ന്യൂദല്ഹി: കേരളത്തിലെ ക്രമസമാധാന തകര്ച്ചയില് മുഖ്യമന്ത്രി പിണറായി വിജയനെ അതൃപ്തിയും ആശങ്കയുമറിയിച്ച് കേന്ദ്ര ആഭ്യന്തരമന്ത്രി രാജ്നാഥ് സിങ്.
സമാധാനം ഉറപ്പാക്കണമെന്നും കുറ്റക്കാര്ക്കെതിരെ കര്ശന നടപടിയെടുക്കണമെന്നും വിജയനോട് ഫോണിലൂടെ രാജ്നാഥ് സിംഗ് ആവശ്യപ്പെട്ടു.
സംസ്ഥാനത്ത് വര്ദ്ധിച്ചുവരുന്ന രാഷ്ട്രീയ സംഘര്ഷങ്ങള് ജനാധിപത്യ വ്യവസ്ഥയോടുള്ള വെല്ലുവിളിയാണെന്ന് ആഭ്യന്തരമന്ത്രി പറഞ്ഞു.
തിരുവനന്തപുരത്തെ വ്യാപക സംഘര്ഷത്തിന്റെയും ആര്എസ്എസ് പ്രവര്ത്തകന്റെ കൊലപാതകത്തിന്റെയും പശ്ചാത്തലത്തിലാണ് കേന്ദ്രത്തിന്റെ ഇടപെടല്. ക്രമസമാധാനം പാലിക്കുന്നതില് സംസ്ഥാന സര്ക്കാര് പരാജയപ്പെട്ടതായി മുഖ്യമന്ത്രിയോട് രാജ്നാഥ് സിംഗ് പറഞ്ഞു.
കൊലപാതകത്തില് കുറ്റക്കാര്ക്കെതിരെ ഉടന് നടപടിയുണ്ടാവണം. ഗൂഢാലോചന നടത്തിയവരെയും നിയമത്തിന് മുന്നിലെത്തിക്കണം. അദ്ദേഹം വ്യക്തമാക്കി.
