പൊന്കുന്നം: ഹോട്ടലുകളില് വൃത്തിയില്ലായ്മയും പഴകിയ ഭക്ഷണവും തുടര്ക്കഥയായതോടെ മലയോരമേഖലയില് കൂണുകള് പോലെയാണ് തട്ടുകടകള് പ്രവര്ത്തനം തുടങ്ങിയത്.
രാത്രിയില് മാത്രം പ്രവര്ത്തിക്കുന്ന തട്ടുകടകള് പലപ്പോഴും അധികാരികളുടെ പരിശോധനയില്പ്പെടാറുമില്ല. വൃത്തിയില്ലായ്മയും ഉപയോഗിച്ച എണ്ണയുടെ ആവര്ത്തന ഉപയോഗവും തട്ടുകടകളില് പതിവാണ്.
വിലകുറഞ്ഞത് ന്വേഷിച്ച പോകുന്ന മലയാളിയുടെ ശീലത്തെ മുതലെടുത്താണ് അഞ്ചു രൂപക്ക് ചെറുകടികള് എന്ന ബോര്ഡുകളുടെ എണ്ണം നിരത്തുകളില് വര്ദ്ധിച്ചത്.
അന്യസംസ്ഥാനക്കാരാണ് അഞ്ചു രൂപ ചെറുകടികളുടെ ഉത്പാദകരും വിപണനക്കാരും. ലിക്വഡ് പാരാഫിന് അഥവാ വിലകുറഞ്ഞ എണ്ണയില് വറുക്കുന്ന ഇവ ശരീരത്തിന് ദോഷം ചെയ്യുന്നവയാണെന്ന് ആരും തിരിച്ചറിയുന്നില്ല. വിലകൂടുമ്പോള് ഉഴുന്നിനെ ഒഴിവാക്കി മാവ് പുളിപ്പിച്ചുണ്ടാക്കുന്ന തട്ടു ദോശയുടെ രുചി മലയാളിക്ക പ്രിയപ്പെട്ടതായിക്കഴിഞ്ഞു. നാട്ടിന് പുറങ്ങളില് ദിവസേനയുള്ള ഭക്ഷണത്തിനായി ദോശ ചുടുന്ന സാധാരണക്കാരനില് നിന്നും തട്ടുകടകള് മുതലാളിമാരിലേക്ക് വളര്ന്നു കഴിഞ്ഞു. അന്യസംസ്ഥാനക്കാരെ ജോലിക്ക് നിര്ത്തി വന് ലാഭം കൊയ്യുന്ന ബിസിനസായി തട്ടുകടകള്. ഭക്ഷ്യസുരക്ഷാ വകുപ്പ് ഉറങ്ങുമ്പോള് ഉണരുന്ന തട്ടുകടക്കാര് പിടിയില്പ്പെടാതെ വാഴുകയാണ്.
