പരപ്പനങ്ങാടി: നഗരസഭയിലെ അഞ്ചപ്പുര പഴയ മാര്ക്കറ്റിലെ പൊളിഞ്ഞു വീഴാറായ പഴയ കെട്ടിടങ്ങള്ക്കിടയില് അറവുശാലക്കടുത്ത് നടന്ന യുവതിയുടെ ദാരുണാന്ത്യത്തില് നാട് നടുങ്ങി.
ഇവിടെ അഞ്ചപ്പുരയില് മേല്ക്കൂരകള് തകര്ന്ന പഴയ കെട്ടിടങ്ങള്ക്ക് മുകളില് താര്പ്പായ വലിച്ചു കെട്ടിയ കുടുസുമുറികളിലാണ് കന്നുകാലികളെ കശാപ്പു ചെയ്യുന്നത്. പക്ഷേ ഇന്നലെ ഇവിടെ നടന്നത് പച്ച മനുഷ്യന്റെ കശാപ്പായിരുന്നുയെന്നത് നാട്ടുകാരില് ഭീതിയുണര്ത്തുന്നു. പരപ്പനങ്ങാടി ഓവര് ബ്രിഡ്ജ് ഇറക്കത്തിലെ പരപ്പില് റോഡിലെ ക്വാര്ട്ടേര്സില് നിന്നും പുലര്ച്ചെ രണ്ടു മണിയോടെയാണ് കൊല്ലപ്പെട്ട റഹീനയെ ഭര്ത്താവ് അഞ്ചപ്പുരയിലേക്ക് വിളിച്ചിറക്കി കൊണ്ടുപോയതെന്ന് പരിസരവാസികള് പറയുന്നു.
സാധാരണ പഴയ മാര്ക്കറ്റില് അറവുകാരെത്തുന്നത്. നാല് മണിയോടെയാണ് ഇതിനും രണ്ട് മണിക്കൂര് മുമ്പേ കൃത്യം നിര്വഹിക്കുന്നതിന് ആസൂത്രണം നടന്നിട്ടുണ്ടാകാമെന്ന് അനുമാനിക്കുന്നു. അറവുശാലയില് കൊണ്ടുവന്ന് യുവതിയെ കൊലപ്പെടുത്തിയതിനു പിന്നില് മറ്റു ദുരുദ്ദേശങ്ങളുണ്ടോ എന്നറിയാന് പ്രതി പിടിക്കപ്പെടണം.
നഗരപ്രദേശങ്ങളില് തന്നെ ഇത്തരത്തില് അനധികൃതമായി പ്രവര്ത്തിക്കുന്ന നിരവധി അറവുശാലകളുണ്ട്. ഇവിടങ്ങളില് എന്ത് നടന്നാലും പുറംലോകം അറിയാത്ത രീതിയിലുള്ള നിഗൂഢതകള് അവശേഷിക്കുകയാണ്.
