കോട്ടയം: പാമ്പാടി ആശ്വാസഭവന് അനാഥാലയത്തില് കുട്ടികളെ ലൈംഗികമായി പിഡിപ്പിച്ച ഡയറക്ടറെ അറസ്റ്റ് ചെയ്യാത്തതില് പ്രതിഷേധിച്ച് ബിജെപി പഞ്ചായത്തു കമ്മറ്റിയുടെ നേതൃത്വത്തില് ഇന്ന് വൈകുന്നേരം 4ന് പാമ്പാടിയില് പ്രതിഷേധമാര്ച്ച് നടത്തും. ഇടുക്കി സ്വദേശിനിയായ 11വയസുള്ള പെണ്കുട്ടിയെയാണ് ഡയറക്ടര് ജോസഫ് മാത്യു(60) ശാരീരികമായി ഉപദ്രവിച്ചതായി വനിതാ സെല്ലില് പരാതി ലഭിച്ചത്. ചൈല്ഡ് ലൈന് പ്രവര്ത്തകര് കുട്ടിയില് നിന്ന് വിവരശേഖരണം നടത്തി ആഴ്ചകള് കഴിഞ്ഞിട്ടും പോലീസ് അന്വേഷണം ഊര്ജ്ജിതമാക്കാന് കൂട്ടാക്കാത്തതിനെ തുടര്ന്നാണ് ബിജെപി സമര പരിപാടികള് ആവിഷ്കരിച്ചിരിക്കുന്നത്. പ്രതിയെ അടിയന്തരമായി അറസ്റ്റ് ചെയ്യണമെന്നും, ആശ്വാസഭവന് സ്ഥാപനത്തിന്റെ പ്രവര്ത്തനങ്ങളെക്കുറിച്ച് സമഗ്ര അന്വേഷണം നടത്തണമെന്നും ബിജെപി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: