കോട്ടയം: സിപിഎം അക്രമത്തില് പ്രതിഷേധിച്ച് ഇന്ന് പുതുപ്പളളി നിയോജകമണ്ഡലത്തില് ബിജെപി ഹര്ത്താല് ആചരിക്കുമെന്ന് ജില്ലാ പ്രസിഡന്റ് എന്. ഹരി അറിയിച്ചു.
സിപിഎം ഡിവൈഎഫ്ഐ ക്രിമിനലുകള്ക്ക് അഴിഞ്ഞാടാനുള്ള അവസരം പോലീസ് ചെയ്തുകൊടുക്കുകയാണെന്ന് ഹരി ആരോപിച്ചു. പുതുപ്പള്ളിയില് മാര്ക്സിസ്റ്റ് ആക്രമണത്തില് ഗുരുതരമായി പരിക്കേറ്റ് ചികിത്സയില് കഴിയുന്ന ബിജെപി പുതുപ്പള്ളി പഞ്ചായത്ത് പ്രസിഡന്റ് പ്രശാന്ത് കുമാര് അടക്കമുള്ള പ്രവര്ത്തകരെ ആശുപത്രിയില് സന്ദര്ശിച്ചശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
ജില്ലയുടെ പല‘ഭാഗങ്ങളിലും സിപിഎം ബോധപൂര്വ്വം ആക്രമണം ആസൂത്രണം ചെയ്യുകയാണ്. അതിന്റെ ‘ഭാഗമായി കഴിഞ്ഞ ഒരു മാസത്തിനിടയില് ജില്ലയിലെ നിരവധി വീടുകളും പാര്ട്ടി ഓഫീസുകളും വാഹനങ്ങളും തകര്ത്തു. പോലീസ് സാന്നിദ്ധ്യത്തില് നടത്തുന്ന അക്രമങ്ങള്ക്ക് പാര്ട്ടി നേതാക്കളാണ് നേതൃത്വം നല്കുന്നത്.
പുതുപ്പള്ളി കവലയില് നടന്ന മാര്ക്സിസ്റ്റ് ആക്രമണത്തില് ബിജെപി പുതുപ്പള്ളി പഞ്ചായത്ത് പ്രസിഡന്റ് പ്രശാന്ത് കുമാര്, ജനറല് സെക്രട്ടറി രാജേഷ്, മറ്റ് 4 പ്രവര്ത്തകര്ക്കും കടയില് ജോലി ചെയ്യുന്ന ഒരു സ്ത്രീക്കും മര്ദ്ദനമേറ്റതായും അദ്ദേഹം പറഞ്ഞു.
