മൊഗ്രാല്: മൊഗ്രാല് പുത്തൂര്, മൊഗ്രാല്, കുമ്പള, സ്കൂളുകള് കേന്ദ്രീകരിച്ച് ലഹരി ഗുളിക വില്പന മാഫിയകള് സജീവമാകുന്നു.
കഞ്ചാവിന്റെ വില്പനയും ഉപയോഗവും പോലീസും എസ്സിസും ചേര്ന്ന് കര്ക്കശ നടപടികളിലൂടെ തടഞ്ഞതോടെ പുതിയ തന്ദ്രങ്ങളോടെ മയക്കു മരുന്ന് മാഫിയകള് രംഗത്തിറങ്ങിയതായി സൂചന.
ലഹരി ഗുളികയുമായാണ് മയക്കു മരുന്ന് മാഫിയകളുടെ രംഗ പ്രവേശനം. മാന്ഡ്രേക് 5 എം.ജി. എന്ന ഗുളികയാണ് വ്യാപകമായി സ്കൂളുകള് കേന്ദ്രീകരിച്ച് വില്പന നടത്തുന്നത്.
കാസര്കോട് ഭാഗങ്ങളില് നിന്ന് ബൈക്കിലെത്തുന്ന സംഘം വിദ്യാര്ത്ഥികളെയാണ് ഏറെയും ലക്ഷ്യം വെക്കുന്നത്.
ഇതിന്റെ വ്യക്തമായ സൂചനകള് പോലീസിന് ലഭിച്ചതായി പറയപ്പെടുന്നു. ഉറവിടം കണ്ടെത്തുന്നതിനുള്ള ശ്രമത്തിലാണ് പോലീസ്. വിദ്യാര്ത്ഥികളെ ലഹരിക്ക് അടിമകളാകുന്ന മാഫിയകള്ക്കെതിരെ ശക്തമായ നടപടിയും സ്കൂളുകള് കേന്ദ്രീകരിച്ചു ലഹരി വിരുദ്ധ ബോധവത്കരണവും നടത്തണമെന്ന് നാട്ടുകാര് ആവശ്യപ്പെട്ടു.
