എല്ബിഎസ് നടത്തുന്ന സെറ്റ് പരീക്ഷയ്ക്കുള്ള അപേക്ഷാ ഫോറം എല്ലാ പോസ്റ്റ് ഓഫീസുവഴിയും വിതരണം ചെയ്യാന് നടപടിയുണ്ടാവണം. ആഗസ്റ്റ് 20 ന് നടത്തുന്ന പരീക്ഷയ്ക്ക് പട്ടം ഗേള്സ് ഹൈസ്കൂള് പരീക്ഷാ സെന്ററായി അനുവദിക്കണം. പരീക്ഷ കഴിഞ്ഞ് രണ്ടാഴ്ചയ്ക്കകം ലിസ്റ്റ് ഇടാന് നടപടിയുണ്ടാവണം.
ആഗസ്റ്റ് 20-ന് നടത്തുന്ന പരീക്ഷ കഴിഞ്ഞ് റാങ്ക് ലിസ്റ്റ് ഇടുന്നതിന് മുന്പായി പരീക്ഷ എഴുതിയവര്ക്ക് മോഡറേഷന് നല്കണം. സെറ്റ് പരീക്ഷ എഴുതുന്ന ഓരോ വിഷയത്തിലും എത്ര പേര് പരീക്ഷ എഴുതിയെന്നും വെബ്സൈറ്റില് പ്രസിദ്ധീകരിക്കണം. കേരള കാര്ഷിക സര്വകലാശാല ക്ലാസ്ഫോര് നിയമനത്തിന് എത്രയും വേഗം പരീക്ഷ നടത്തണം. പരീക്ഷ കഴിഞ്ഞ് ഉടന് റാങ്ക് ലിസ്റ്റ് ഇടണം.
സംസ്ഥാനത്തെ മുഴുവന് പ്രാഥമിക സഹകരണ ബാങ്കുകളിലെയും ക്ലാര്ക്ക്/കാഷ്യര്, സെക്രട്ടറി, അസി. സെക്രട്ടറി, ജനറല് മാനേജര് എന്നീ തസ്തികകളിലെ ഒഴിവുകള് സഹകരണ പരീക്ഷാ ബോര്ഡിനെ അറിയിക്കാന് നടപടിയുണ്ടാവണം. അപേക്ഷ ക്ഷണിച്ചിരിക്കുന്ന മുഴുവന് തസ്തികകളിലെല്ലാം ഉടന് പരീക്ഷ നടത്തി, രണ്ടാഴ്ചയ്ക്കകം സാധ്യതാ ലിസ്റ്റ് ഇടണം. പരീക്ഷയ്ക്ക് പട്ടം ഗേള്സ് ഹൈസ്കൂള് പരീക്ഷാ സെന്ററായി അനുവദിക്കണം.
ഡേറ്റാ എന്ട്രി ഓപ്പറേറ്റര്, സിസ്റ്റം അഡ്മിനിസ്ട്രേറ്റര് എന്നീ തസ്തികകളിലേക്ക് ഉടനെ വിജ്ഞാപനം പുറപ്പെടുവിക്കണം. പ്രാഥമിക സഹകരണ ബാങ്കുകളിലെ ക്ലാസ് ഫോര് തസ്തിക (പ്യൂണ്, വാച്ചര്, അറ്റന്ഡര്, സെയില്സ്മാന്, കളക്ഷന് ഏജന്റ് ) എന്നീ തസ്തികകളിലേക്കുള്ള നിയമനംകൂടി സഹകരണ പരീക്ഷാ ബോര്ഡ് ഏറ്റെടുക്കണം, സര്ക്കാര് ഇക്കാര്യത്തില് ഉടനെ നടപടിയുണ്ടാവണം. പ്രാഥമിക സഹകരണബാങ്കുകളിലെ നിയമനങ്ങള് ഉയര്ന്ന പ്രായപരിധിക്കാര്ക്ക് നിയമനത്തിന് മുന്തിയ പരിഗണന നല്കണം.
കെ.എസ്. ശിവകുമാര്,
തിരുവനന്തപുരം.
