ബന്തടുക്ക: ബന്തടുക്ക ടൗണ് കേന്ദ്രീകരിച്ച് പ്രവര്ത്തിച്ച് വരുന്ന ബന്തടുക്ക വില്ലേജ് ഓഫീസില് കഴിഞ്ഞ രണ്ട് മാസകാലമായി വില്ലേജ് ഓഫീസര് ഇല്ല. മലയോരമേഖലയായാ നിരവധി പട്ടികജാതി/പട്ടികവര്ഗ കോളനികളിലെ ജനങ്ങളെ ഇത് തെല്ലൊന്നുമല്ല ബുദ്ധിമുട്ടിലാക്കുന്നത്. നിലവില് കരിവേടകം വില്ലേജ് ഓഫീസര്ക്കാണ് അധിക ചുമതല നല്കിയിട്ടുള്ളത്. ഇതു മൂലം 3 കിലോമീറ്റര് അകലെയുള്ള കരിവേടകം വില്ലേജ് സ്ഥിതി ചെയ്യുന്ന ആനക്കല്ലില് ചെന്ന് ഒപ്പ് വാങ്ങി ബന്തടുക്ക വില്ലേജ് ഓഫീസില് തിരിച്ച് വന്ന് സീല് വാങ്ങിക്കേണ്ട അവസ്ഥയിലാണ് പൊതുജനം. ലോണ് സംബന്ധമായ രേഖകള്, പ്രധാനമന്ത്രി ആവാസ യോജന സംബന്ധമായ രേഖകള് ഉള്പ്പെടെ നിരവധി രേഖകളാണ് ജനങ്ങള്ക്ക് വിതരണം ചെയ്യാന് സാധിക്കാതെ കെട്ടികിടക്കുന്നത്. ഒരു വില്ലേജ് അസിസ്റ്റന്റ്, രണ്ട് ഫീല്ഡ് അസിസ്റ്റന്റ മാത്രമാണ് നിലവില് വില്ലേജ് ഓഫീസില് ഉള്ളത്.
ബന്തടുക്ക നിവാസികള് അനുഭവിക്കുന്ന ഈ ദുരവസ്ഥയ്ക്ക് എത്രയും പെട്ടെന്ന് ഒരു പരിഹാരം കണ്ടില്ലെങ്കില് ശക്തമായ സമര പരിപാടികള് വരും നാളുകളില് ആരംഭിക്കാന് യുവമോര്ച്ച കുറ്റിക്കോല് പഞ്ചായത്ത് യോഗം തിരുമാനിച്ചു. യുവമോര്ച്ച ഉദുമ മണ്ഡലം സെക്രട്ടറി മഹേഷ് ഗോപാല് ബന്തടുക്ക, കുറ്റിക്കോല് പഞ്ചായത്ത് പ്രസിഡന്റ് വിനോദ് മലാംകുണ്ട്, കുറ്റിക്കോല് പഞ്ചായത്ത് സെക്രട്ടറി അരുണ് തൊടുപ്പനം, അനില് പടുപ്പ്, വിഷ്ണു മാനടുക്കം തുടങ്ങിയവര് സംസാരിച്ചു.
