ക്രമേണ സ്കൂള് മേധാവികള്ക്ക് ഒരു കാര്യം മനസ്സിലായി. രമയ്ക്ക് സാധാരണ വിദ്യാഭ്യാസം ആവശ്യമില്ല. കാരണം അവളുടെ നാവില്നിന്നും വീഴുന്നതെല്ലാം ജ്ഞാനത്തിന്റെ വാക്കുകളാണ്. ഏതു വിഷയം അവള് സംസാരിച്ചാലും അതായിരുന്നു സ്ഥിതി. വിദ്യാദേവതയായ സരസ്വതിയുടെ അവതാരമാണ് അവള് എന്ന് അവര് കരുതി. ഈ ലൗകിക വിദ്യാഭ്യാസംകൊണ്ടെന്തു പ്രയോജനം? ഈ കണ്ടെത്തലുകള് സ്കൂള് അധികാരികള് അച്ഛനമ്മമാരെ അറിയിച്ചു. അതുകൊണ്ട് രമ അഞ്ചാം ക്ലാസില് പഠിപ്പു നിര്ത്തി.
ദിവസം കഴിയുതോറും രമയുടെ വ്യക്തിത്വത്തില് വിവിധങ്ങളായ ദിവ്യഭാവങ്ങള് കുടുംബാംഗങ്ങള്ക്കും, ബന്ധുകള്ക്കും, സുഹൃത്തുകള്ക്കും അനുഭവപ്പെട്ടു. വിശുദ്ധിയും ആനന്ദകരവുമായ സംഭവങ്ങള് അവര്ക്കുചുറ്റും എല്ലാ സമയവും സംഭവിച്ചുകൊണ്ടിരുന്നു. ഇത് എല്ലാവരെയും ആനന്ദത്തിലാറാടിച്ചു. ആ പ്രായത്തിലെ കുട്ടികള് ഓടികളിക്കാറുള്ളപ്പോലെ രമ കളിക്കാറില്ല. പകരം വീടിന്റെ എതെങ്കിലും ഒഴിഞ്ഞ കോണില് ധ്യാനത്തില് ലയിച്ച് ഇരിക്കുകയാണ്.
ഈ കാലത്താണ് മാതാപിതാക്കളോടൊത്ത് ദക്ഷിണേന്ത്യയിലെ തീര്ത്ഥാടന കേന്ദ്രങ്ങള് സന്ദര്ശിക്കാന് അവസരം കിട്ടിയത്. മധുരമീനാക്ഷി ക്ഷേത്രത്തില് രമയ്ക്ക് ദേവിയുമായി താദാത്മ്യം പ്രാപിക്കുന്ന ഒരു അനുഭവം ഉണ്ടായി. ആ തീര്ത്ഥയാത്രയില് എറ്റവും അവിസ്മരണീയ സംഭവം അതായിരുന്നു.
ഗൃഹസ്ഥാശ്രമധര്മ്മത്തെപറ്റി ആധികാരികമായി സംസാരിക്കണമെങ്കില് അമ്മ ഗൃഹസ്ഥാശ്രമത്തില് പ്രവേശിക്കേണ്ടത് ആവശ്യമായിരുന്നു. ഉടനെ രമയുടെ അച്ഛനമ്മമാര്ക്ക് ഒരു ദിവ്യപുരുഷന്റെ ദര്ശനമുണ്ടായി. രമ ഗൃഹസ്ഥാശ്രമധര്മ്മം പുനരുദ്ധരിക്കാന് വന്നതാണെന്ന് ആ ദിവ്യപുരുഷന് അവരോട് പറഞ്ഞു. അതുകൊണ്ട് ഗൃഹാസ്ഥാശ്രമത്തില് ഇരുന്ന് എങ്ങനെ ഈശ്വരസാക്ഷാത്കാരം നേടാം എന്നു സ്വന്തം ജീവിതത്തിലൂടെ കാണിച്ചു കൊടുക്കുവാന് വേണ്ടി രമ ഗൃഹസ്ഥാശ്രമത്തിലേക്ക് പ്രവേശിച്ചു.
വടക്കേ കേരളത്തിലെ തലശ്ശേരിയിലെ പണ്ഡിതനും, ധനികനും പരോപകാരിയുമായ ശ്രീകൃഷ്ണഭഗത്തിനാണ് രമയുടെ പതി എന്ന മഹത്തായ ബഹുമതി കൈവന്നത്. തന്റെ മകള് ഭാരതീയ സംസ്കാരത്തിന്റെയും ഭാരതീയ സ്ത്രീത്വത്തിന്റെയും ഒരു ഉത്തമോദാഹരണമാണെന്ന് ശ്രീ ഗോപാലകൃഷ്ണ ഷേണായി പ്രഖ്യാപിച്ചു.
വിവാഹത്തിനുശേഷം അമ്മ ആദ്ധ്യാത്മിക സാധന അരംഭിച്ചു. തലശ്ശേരിയിലുള്ള ഭര്ത്തൃഗൃഹത്തില് തന്നെയാണ് 12 വര്ഷം അമ്മ കഠിനമായി തപസ്സുചെയ്ത.് കുറേക്കാലത്തേക്ക് അമ്മയുടെ ഭര്ത്താവായ ഭഗവാന് കൃഷ്ണ ഭഗത്ത് (ഭഗവാന് എന്നാണ് അദ്ദേഹത്തേ ഭക്തന്മാര് വിളിക്കുന്നത്) രമ ഗൗരവമായി തന്നെ ഈശ്വരസാക്ഷാത്കാരമെന്ന ലക്ഷ്യം കൈവരിക്കാനുള്ള പ്രയത്നത്തിലാണെന്ന് അറിഞ്ഞിരുന്നില്ല. ഒരു ദിവസം അദ്ദേഹം ഗാഢനിദ്രയില്നിന്നു പാതിരാത്രിക്ക് ഉണര്ന്ന് രമ സാധാരണ ധ്യാനം ചെയ്യാറുള്ള സ്ഥലത്തേക്ക് നോക്കിയപ്പോള് അവിടെ വലിയ ഒരു പ്രകാശം കണ്ടു. ആ പ്രകാശമദ്ധ്യത്തില് ശ്രീകൃഷ്ണ പരമാത്മാവ് ധ്യാന മുദ്രയോടുകൂടി ധ്യാനിക്കുന്നത് കണ്ടു.
ആ പ്രകാശം അദ്ദേഹത്തിലേക്ക് പ്രവേശിച്ചു. കുറേ ദിവസത്തേയ്ക്ക് ബാഹ്യലോകത്തില് ശ്രദ്ധയില്ലാത്തവനായി. അദ്ദേഹം കൃഷ്ണപ്രേമത്തില് അതീവ താല്പരനായി മാറി. രമ ആരാണെന്ന് പൂര്ണ്ണമായും അങ്ങനെ മനസ്സിലാക്കിയ ഭഗവാന് രമയെ ബഹുമാനത്തോടെ കാണാന് തുടങ്ങി. (ഡിവൈന് മദര് ശ്രീ രമാദേവി എന്ന പുസ്തകത്തിന്റെ വിവര്ത്തനം: കെ.എന്.കെ. നമ്പൂതിരി.
9446323355)
(തുടരും)
