കണ്ണൂര്‍: പയ്യന്നൂരിലെ കക്കംപാറയില്‍ ആര്‍എസ്എസ് മണ്ഡല്‍ കാര്യവാഹ് ചൂരക്കാട്ട് ബിജുവിനെ വെട്ടിക്കൊലപ്പെടുത്തിന് പിന്നില്‍ സിപിഎം ഉന്നത നേതൃത്വത്തിന്റെ ഗൂഡാലോചനയാണെന്ന് ബിജെപി ജില്ലാ പ്രസിഡണ്ട് പി.സത്യപ്രകാശ് പ്രസ്താവനയില്‍ പറഞ്ഞു. കണ്ണൂര്‍ ജില്ലയില്‍ സംഘപരിവാര്‍ പ്രവര്‍ത്തകരെയും നേതാക്കളെയും വകവരുത്താന്‍ സിപിഎം മുഖ്യമന്ത്രിയുടെ ആശീര്‍വാദത്തോടെ ഉന്നതതല ഗൂഡാലോചന നടത്തുന്നത് പോലീസിലെ ഉന്നതര്‍ക്ക് വിവരം ലഭിച്ചിട്ടും കൃത്യമായ നടപടി സ്വീകരിക്കാത്തതുകൊണ്ടാണ് ഇപ്പോള്‍ ജില്ലയില്‍ ആര്‍എസ്എസ് പ്രവര്‍ത്തകന്‍ കൊല്ലപ്പെട്ടത്. കണ്ണൂര്‍ ജില്ലാ ഭരണകൂടവും പോലീസും നിരുത്തരവാദപരമായാണ് പ്രവര്‍ത്തിക്കുന്നത്. കണ്ണൂരില്‍ സിപിഎമ്മിന്റെ ബി ടീമായാണ് പോലീസ് പ്രവര്‍ത്തിക്കുന്നത്. ഉന്നതതല ഗൂഡാലോചന ഈ സംഭവത്തിന് പിന്നിലുണ്ട്. കണ്ണൂരില്‍ സിപിഎമ്മിന്റെയോ പോഷക സംഘടനകളുടെയോ സംസ്ഥാന സമ്മേളനത്തിന്റെ ഒരുക്കങ്ങള്‍ നടക്കുമ്പോള്‍ ഇതിന് മുമ്പും സിപിഎം ജില്ലയില്‍ ചോരക്കളമൊഴുക്കിയിട്ടുണ്ട്. നേതാക്കള്‍ കണ്ണൂരിലെത്തുമ്പോള്‍ തങ്ങളുടെ ആക്രമണോത്സുകത തെളിയിക്കാനാണ് എന്‍ജിഒ യൂണിയന്‍ സമ്മേളനം നടക്കുമ്പോള്‍ ഇത്തരം കൊല നടത്തിയത്. സിപിഎം പ്രവര്‍ത്തകന്റെ കൊലയില്‍ പങ്കില്ലെന്ന് കണ്ട് പോലീസ് പ്രതിപ്പട്ടികയില്‍ നിന്ന് ഒഴിവാക്കിയ വ്യക്തിയാണ് കൊല്ലപ്പെട്ട ബിജു.
കൊലപാതകം സിപിഎം ഉന്നത നേതൃത്വത്തിന്റെ അറിവോടെ: ബിജെപി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.