ഗാന്ധിനഗര്: കുമരകത്ത് പഞ്ചായത്തുകമ്മറ്റി അംഗങ്ങളായ ബിജെപി പ്രവര്ത്തകര്ക്കുനേരെ നടന്ന വധശ്രമം ഗൗരവത്തോടെ കാണുന്നുവെന്ന് ബിജെപി ജില്ലാ പ്രസിഡന്റ് എന്. ഹരി പറഞ്ഞു. ഇടതുപക്ഷ സര്ക്കാര് അധികാരത്തില്വന്ന നാള് മുതല് കോട്ടയത്തെ കലാപഭൂമിയാക്കുവാനുള്ള ശ്രമം തുടരുകയാണ് സിപിഎം. ഇവര്ക്ക് എല്ലാവിധ ഒത്താശകളും ചെയ്തു കൊടുക്കുന്നത് കോട്ടയത്തെ പോലീസാണ്. മുന്പ് പല പ്രാവശ്യം കുമരകത്ത് അക്രമം നടന്നപ്പോള് അതിന് നേതൃത്വം നല്കിയത് മിഥുന് എന്ന അമ്പിളിയാണ്. ഇക്കാര്യം പോലീസിന്റെ ശ്രദ്ധയില് ബിജെപി കൊണ്ടുവന്നിട്ടുള്ളതാണ്. എന്നാല് നിയമം നടപ്പാക്കേണ്ടവര് നിയമലംഘനത്തിനു കൂട്ടു നില്ക്കുകയാണിവിടെ. അയ്മനത്ത് എസ്എഫ്ഐ നേതാവിന്റെ നേതൃത്വത്തില് വീടാക്രമിച്ചപ്പോഴും നാടന് ബോംബെറിഞ്ഞപ്പോഴും പോലീസ് നോക്കിനില്ക്കുകയായിരുന്നു.
ഇടതുഭരണത്തില് ജില്ലയില് ക്രമസമാധനനില പാടെ തകര്ന്നിരിക്കുകയാണ്. ഭയത്തോടെയല്ലാതെ സാധാരണക്കാരന് ജീവിക്കാന് കഴിയാത്ത അവസ്ഥയാണിവിടെ. എവിടെയും ഏകപക്ഷീയമായ ആക്രമണമാണു നടക്കുന്നത്. ജനജീവിതം ദുഃസഹമായിരിക്കുന്നുവെന്നും ഇതിനെതിരെ ജനകീയ കൂട്ടായ്മ സംഘടിപ്പിച്ച് ബിജെപി ജനാധിപത്യപരമായി പൊരുതുമെന്നും അദ്ദേഹം പറഞ്ഞു.
പഞ്ചായത്ത് അംഗവും ബിജെപി പഞ്ചായത്ത് കമ്മിറ്റി പ്രസിഡന്റുമായ പി.കെ.സേതു , ജയകുമാര് എന്നിവരെ മാരകമായിട്ടാണ് ആക്രമിച്ചത്. നിരവധി ക്രിമനല് കേസുകളില് പ്രതിയായ അമ്പിളിയുടെ നേതൃത്വത്തില് മുഖം മൂടി ധരിച്ച 20 അംഗസംഘമാണ് ആക്രമിച്ചതെന്നും ഹരി പറഞ്ഞു. സേതുവിന്റെ ഒരുകാലും ഒരു കൈയ്യും ഒടിഞ്ഞു.ശരീരമാസകലം പരിക്കുണ്ട്. ജയകുമാറിനും ശരീരം മുഴുവന് മുറിവുകളുണ്ട്. ഏതാനും ദിവസം മുമ്പ് സേതുവിന്റെ വീട്ടില് കയറി അക്രമി സംഘം ഭീഷിണിപ്പെടുത്തിയിരുന്നു. ഇക്കാര്യം ജില്ലാ പോലീസ് ചീഫിനെ ധരിപ്പിച്ചിരുന്നതായും ഹരി പറഞ്ഞു.
പത്ര സമ്മേളനത്തില് ആര്എസ്എസ് ജില്ലാ കാര്യവാഹ് ജി.സജീവ്, ബിജെപി ജില്ലാ സെക്രട്ടറി കെ.പി.ഭുവനേശ്വന്, കോട്ടയം മണ്ഡലം പ്രസിഡന്റ് ബിനു ആര്.വാര്യര് എന്നിവര് പങ്കെടുത്തു. അക്രമത്തില് പരിക്കേറ്റവരെ ജില്ലാ പ്രസിഡന്റ് എന്. ഹരി സന്ദര്ശിച്ചു. ജില്ലാ സെക്രട്ടറിമാരായ സിഎന്. സുഭാഷ്, കെ.പി. ഭുവനേശ്, ആര്എസ്എസ് നേതാക്കളായ ഹരികുമാര്, മനു, ഏറ്റുമാനൂര് നിയോജകമണ്ഡലം പ്രസിഡന്റ് കെ.ജി. ജയകുമാര്, സെക്രട്ടറി ആന്റണി അറയില്, യുവമോര്ച്ച ജില്ലാ പ്രസിഡന്റ് അഖില് രവീന്ദ്രന്, സെക്രട്ടറി ലാല്കൃഷ്ണ തുടങ്ങിയവര് അദ്ദേഹത്തോടൊപ്പം ഉണ്ടായിരുന്നു.
