മട്ടന്നൂര്: കേരള ഹോട്ടല് ആന്റ് റസ്റ്റോറന്റ് അസോസിയേഷന് മട്ടന്നൂര് യൂണിറ്റ് ഭാരവാഹികളായ എ.പ്രദീപ് കുമാര്, എം.പ്രദീപ്, റാറാസ് മജീദ്, സി.സജിതന്, പി.വിനോദ് ബാബു എന്നിവര് നഗരസഭയ്ക്ക് നിവേദനം നല്കി. ഡ്രയിനേജ് സംവിധാനം കാര്യക്ഷമവും സുരക്ഷിതവുമാക്കണമെന്നും, മട്ടന്നൂരിലെ ഹോട്ടലുകളില് നിന്നും റസ്റ്റോറന്റുകളില് നിന്നുമുള്ള വെയിസ്റ്റ് ടാങ്കിലെ കവിഞ്ഞൊഴുകുന്ന വെള്ളം ഫില്ട്ടര് ചെയ്തശേഷം ഡ്രയിനേജിലേക്ക് ഒഴുക്കുന്നതിന് അനുവദിക്കണമെന്നും ആവശ്യപ്പെട്ടാണ് നിവേദനം നല്കിയത്.
ഡ്രയിനേജില് നിന്ന് ഒഴുകിയെത്തുന്ന വെള്ളം ട്രീറ്റ്മെന്റ് പ്ലാന്റ് നിര്മ്മിച്ച് കാര്ഷികാവശ്യങ്ങള്ക്കും കെട്ടിട നിര്മ്മാണ ആവശ്യങ്ങള്ക്കും ഉപയോഗിക്കുക, ട്രീറ്റ്മെന്റ് പ്ലാന്റും ഡ്രയിനേജും കാര്യക്ഷമമാകുന്നതുവരെ കരിത്തൂര്പറമ്പ് ട്രഞ്ചിംഗ് ഗ്രൗണ്ടില് മലിനജലം സംസ്കരിക്കാനുള്ള സൗകര്യം ഒരുക്കുക എന്നീ നിര്ദ്ദേശങ്ങളും അസോസിയേഷന് മുന്നോട്ടുവെച്ചു.
