ഒന്നാം കേരള നിയമസഭയുടെ പ്രഥമ സമ്മേളനത്തിന്റെ അറുപതാം വാര്ഷികം സംബന്ധിച്ച് പഴയനിയമസഭാ മണ്ഡപത്തില് ചേര്ന്ന സമ്മേളനത്തില് നിയമസഭാംഗമായ ഒ. രാജഗോപാല് നിര്ദ്ദേശിച്ച കാര്യം, എല്ലാ നിയസഭാംഗങ്ങളും അനുകൂലിക്കുമെന്നു ഞാന് വിശ്വസിക്കുന്നു. വിജെടി ഹാളിന് ശ്രീമൂലം പ്രജാസഭയിലെ അംഗം ആയിരുന്ന അയ്യന്കാളിയുടെ പേര് നല്കണമെന്ന് ആയിരുന്നു രാജഗോപാല് നിര്ദ്ദേശിച്ചത്. ആ മഹാത്മാവിന്റെ നാമം നിലനിര്ത്താന് ഇതാവശ്യമാണ്.
എന്നാല് ഒരു മണ്ഡപ (ഹാള്)ത്തിനോ, പാതയ്ക്കോ മഹാത്മാക്കളുടെ പേരിട്ടതുകൊണ്ടുമാത്രമായില്ല. അവരുടെ പൂര്ണനാമം അതതു സ്ഥലത്തുണ്ടായിരിക്കയും വേണം.
ഗാന്ധിജിയുടെ പേരിലുള്ള പാതയെ എംജി റോഡെന്നാണ് ഇവര് എല്ലാവരും ഉച്ചരിക്കുന്നതും എഴുതുന്നതും. അതുപോലെ എറണാകുളത്തെ പനമ്പിള്ളി നഗര് കവല മുതല് വൈറ്റില കവലവരെയുള്ള പാതക്ക് സഹോദരന് അയ്യപ്പന് റോഡ് എന്നു നാമകരണം ചെയ്തെങ്കിലും എസ്ഐ റോഡ് എന്നായി മാറി. മഹാത്മാ അയ്യങ്കാളി മണ്ഡപം, എം.എ(ഹാള്)മണ്ഡപമായി മാറരുതെന്ന് ഞാന് ആശിക്കുന്നു.
വാ. ലക്ഷ്മണ പ്രഭു,
എറണാകുളം
