കണ്ണൂര്‍: ബിഎംഎസിന്റെ നേതൃത്വത്തില്‍ സംസ്ഥാന വ്യാപക പ്രക്ഷോഭത്തിന്റെ ഭാഗമായുള്ള ജില്ലാതല വാഹന പ്രചാരണജാഥ കണ്ണൂരില്‍ സമാപിച്ചു. ബിഎംഎസ് ജില്ലാ സെക്രട്ടറി സി.വി.തമ്പാന്‍ സമാപന സമ്മേളനം ഉദ്ഘാടനം ചെയ്തു.
ജാഥയുടെ അവസാന ദിവസമായ ഇന്നലെ കാക്കയങ്ങാട് നിന്നാണ് ജാഥ ആരംഭിച്ചത്. വൈകീട്ട് പളയ ബസ് സ്റ്റാന്‍ഡ് പരിസരത്താണ് ജാഥ സമാപിച്ചത്. ഓട്ടോറിക്ഷ മസ്ദൂര്‍ സംഘം ജില്ലാ ജനറല്‍ സെക്രട്ടറി കെ. വേണുഗോപാലായിരുന്നു ജാഥാ ക്യാപ്റ്റന്‍.
ഇന്‍ഷൂറന്‍സ് പ്രീമിയം നിരക്ക് വര്‍ദ്ധനവും വാഹന നികുതി വര്‍ദ്ധനവും പിന്‍വലിക്കുക, മോട്ടോര്‍ തൊഴിലാളികള്‍ക്ക് സബ്‌സിഡി നിരക്കില്‍ ഇന്ധനം ലഭ്യമാക്കുക, ക്ഷേമനിധി പെന്‍ഷന്‍ വര്‍ദ്ധിപ്പിക്കുന്നതിനും നിതേ്യാപയോഗ സാധനങ്ങളുടെയും സ്‌പെയര്‍ പാര്‍ട്ട്‌സിന്റെയും വില നിയന്ത്രിക്കുന്നതിനും നടപടി സ്വീകരിക്കണമെന്നും ആവശ്യങ്ങള്‍ മുന്‍ നിര്‍ത്തിയാണ് വാഹന പ്രചാരണജാഥ സംഘടിപ്പിച്ചത്.
