കോഴിക്കോട്: അക്ഷയ മിഷന് ജില്ലാ ഫെഡറേഷന്റെ ആഭിമുഖ്യത്തില് റീജ്യണല് ഫെഡറേഷന് ഭാരവാഹികള്ക്കായി ജില്ലാ ശില്പ്പശാല സംഘടിപ്പിച്ചു.
ശ്രീശാരദ അദൈ്വതാശ്രമത്തിലെ സ്വാമി സത്യാനന്ദപുരി ഉദ്ഘാടനം ചെയ്തു. സാമ്പത്തിക ഭദ്രത ആദ്ധ്യാത്മിക മൂല്യങ്ങളടിസ്ഥാനമാക്കിയുള്ളതാവണമെന്ന് അദ്ദേഹം അഭിപ്രായപ്പെട്ടു. പരസ്പര സഹായവും കൂട്ടായ്മയും നമ്മെ വളര്ച്ചയിലേക്ക് നയിക്കുന്ന ഘടകങ്ങളാണെന്നും അദ്ദേഹം കൂട്ടിച്ചേര്ത്തു. അക്ഷയശ്രീ ജില്ലാ പ്രസിഡന്റ് എം. കുഞ്ഞപ്പു അദ്ധ്യക്ഷത വഹിച്ചു.
അക്ഷയശ്രീ എന്ത് എങ്ങിനെ എന്ന വിഷയത്തില് അക്ഷയശ്രീ സംസ്ഥാന ട്രസ്റ്റ് ചെയര്മാന് അഡ്വ. കെ. കരുണാകരന് ക്ലാസ്സെടുത്തു. അക്കൗണ്ട്, ഓഡിറ്റിംഗ് വിഷയത്തെക്കുറിച്ച് എന്. സദാനന്ദന്, വിവിധ കേന്ദ്രാവിഷ്കൃത പദ്ധതികളെക്കുറിച്ച് എം.പി. മോഹനന് എന്നിവര് ക്ലാസ്സെടുത്തു. സഹകാര് ഭാരതി സംസ്ഥാന സംഘടനാ സെക്രട്ടറി കെ.ആര്. കണ്ണന് സമാപന പ്രസംഗം നടത്തി. സഹകാര് ഭാരതി ജില്ലാ പ്രസിഡന്റ് വാസുദേവന് നായര്, പി. രമേഷ്ബാബു, പത്മനാഭന് മണിയൂര്, ബാബുരാജ് ചേളന്നൂര്, ഉദയകുമാര് എന്നിവര് സംസാരിച്ചു.
