സ്വന്തം ലേഖകന്
കോട്ടയം: 2019-ലെ ലോക്സഭാ തെരഞ്ഞെടുപ്പിനായി കോട്ടയം പാര്ലമെന്റ് മണ്ഡലത്തില് ബിജെപി ഒരുക്കം തുടങ്ങി. ബിജെപി ബൂത്ത് ഭാരവാഹികള് പങ്കെടുത്ത കണ്വന്ഷന് മുന് കേന്ദ്രമന്ത്രിയും ദേശീയ വക്താവുമായ ഷാനവാസ് ഹുസൈന് ഉദ്ഘാടനം ചെയ്തു. കണ്വെന്ഷനില് തെരഞ്ഞെടുപ്പ് ഒരുക്കങ്ങള്ക്കുള്ള മാര്ഗ്ഗ നിര്ദ്ദേശങ്ങളും അദ്ദേഹം നല്കി.
എല്ഡിഎഫ്, യുഡിഎഫ് മുന്നണികളുടെ മാറിമാറിയുള്ള ഭരണവും അഴിമതിയും കേരളത്തിന്റെ വികസനത്തെ തകര്ത്തു. അഴിമതി കഥകള് മാത്രമാണ് മാറി മാറിയുള്ള ഭരണത്തില് കേള്ക്കുന്നത്. മുമ്പ് ഹണി ട്രാപ്പില് അകപ്പെട്ട് കോണ്ഗ്രസ് മന്ത്രിമാരയായിരുന്നു പുറത്ത് പൊയ്്ക്കൊണ്ടിരുന്നത്. ഇപ്പോള് എല്ഡിഎഫ് മന്ത്രിമാരും അവരുടെ വഴിക്കാണെന്ന് അദ്ദേഹം പറഞ്ഞു.
സിപിഎമ്മിന്റെ അക്രമത്തിന് ഇരയാകുന്ന ബിജെപി പ്രവര്ത്തകര്ക്കൊപ്പമാണ് കേന്ദ്ര നേതൃത്വം. അവരുടെ വേദനയ്ക്കൊപ്പം നേതൃത്വം പാറപോലെ ഉറച്ച് നില്ക്കും. വരുന്ന പാര്ലമെന്റ് തെരഞ്ഞെടുപ്പില് കര്ണ്ണാടക കഴിഞ്ഞാല് ദക്ഷിണേന്ത്യയില് നിന്ന് ഏറ്റവും കൂടുതല് സീറ്റുകള് നേടുന്നത് കേരളത്തില് നിന്നായായിരിക്കും. സിപിഎം രാജ്യത്ത് നിന്ന് ഇല്ലാതായിയിരിക്കുകയാണ്. അവശേഷിക്കുന്നത് ത്രിപരുയില് മാത്രമാണ്. അടുത്ത നിയമസഭാ തെരഞ്ഞെടുപ്പോടെ അവിടെ നിന്നും സിപിഎമ്മിനെ തൂത്തെറിയുമെന്ന് അദ്ദേഹം പറഞ്ഞു. ഉത്തര് പ്രദേശില് 300 സീറ്റ് പ്രതീക്ഷിച്ച സ്ഥാനത്ത് 325 സീറ്റുകളാണ് ജനം തന്നത്. രാഹുല് ഗാന്ധിയുടെ കോണ്ഗ്രസിന് കിട്ടിയത് 7 സീറ്റാണ്്. സ്വന്തം മണ്ഡലമായ അമേഠിയില് ഒറ്റ സീറ്റ് പോലും കിട്ടിയില്ല. രാജ്യം കോണ്ഗ്രസ്മുക്ത ഭാരതത്തിലേക്ക് അതിവേഗം പൊയ്ക്കൊണ്ടിരിക്കുകയാണെന്ന് അദ്ദേഹം കൂട്ടിച്ചേര്ത്തു.
സമ്മേളനത്തോടെ ബിജെപിയുടെ തിരഞ്ഞെടുപ്പ് ഒരുക്കങ്ങള് ഘട്ടം ഘട്ടമായി തുടങ്ങി. ഒരു പാര്ലമെന്റ് മണ്ഡലത്തിലെ തെരഞ്ഞെടുപ്പ് ഒരുക്കങ്ങള്ക്ക് ദേശീയനേതാവടക്കം മൂന്ന് പേരാണ് മേല്നോട്ടം വഹിക്കുന്നത്. ഷാനവാസ് ഹുസൈനെ കൂടാതെ സംസ്ഥാന നേതാക്കളായ അഡ്വ.എസ്.ജയസൂര്യന്, വി.വി.രാജേഷ് എന്നിവരാണ് മറ്റ് രണ്ട് നേതാക്കള്.
സമ്മേളനത്തില് സംസ്ഥാന വക്താവ് അഡ്വ.എസ്.ജയസൂര്യന് അധ്യക്ഷനായി. ജില്ലാ പ്രസിഡന്റ് എന്.ഹരി സ്വാഗതം പറഞ്ഞു. സംസ്ഥാന വൈസ് പ്രസിഡന്റുമാരായ പി.എം.വേലായുധന്, ജോര്ജ് കുര്യന്, മേഖല പ്രസിഡന്റ് അഡ്വ. എന്. കെ. നാരായണന് നമ്പൂതിരി, കര്ഷകമോര്ച്ച സംസ്ഥാന പ്രസിഡന്റ് പി.ആര്.മുരളീധരന്, സംസ്ഥാന സമിതി അംഗങ്ങളായ എം.എസ്. കരുണാകരന്, പ്രൊഫ.ബി.വിജയകുമാര്, എറണാകുളം ജില്ലാ ജനറല് സെക്രട്ടറി എന്.എം.മധു, ജില്ലാ ജനറല് സെക്രട്ടറിമാരായ ലിജിന്ലാല്, കെ.പി.സുരേഷ്, നഗരസഭാ കൗണ്സിലര് ടി.എന്.ഹരികുമാര് എന്നിവര് പങ്കെടുത്തു
