അരൂര്: വെളുത്തുള്ളി പട്ടികജാതിക്കാരുടെ ഭൂമി തട്ടിയെടുക്കുവാന് ശ്രമം നടത്തുതായി ആരോപണം ഉയര്ന്നു. പ്രദേശത്തെ ഒരു വിഭാഗം ഭൂമാഫിയകളാണ് ഇതിനുള്ള ശ്രമം നടത്തുന്നത്. 1967-68 കാലഘട്ടത്തില് ഇഎംഎസ് മന്ത്രി സഭയുടെ കാലത്ത് റവന്യൂ മന്ത്രിയായിരുന്ന കെ.ആര്. ഗൗരിയമ്മയാണ് വെളുത്തുള്ളി വേല പരവ കോളനി പതിച്ചു നല്കിയത്. പതിനഞ്ച് ഏക്കര് സ്ഥലമാണ് അന്ന് പതിച്ച് നല്കിയിരുന്നത്.
ഈ സ്ഥലത്തിന്റെ അതിര്ത്തി സംരക്ഷിക്കുവാനായി പട്ടികജാതി വികസന വകുപ്പ് കല്കെട്ട് നിര്മ്മാണം നടത്തി വരികയാണ്. എന്നാല് ഇതില്പ്പെട്ട ഇരുപത്തിയഞ്ച് സെന്റ് സ്ഥലം സംരക്ഷിക്കുന്നതിനുള്ള നടപടി ചിലര് തടസ്സപ്പെടുത്തിയിരിക്കുകയാണെന്ന് വെളുത്തുള്ളി വേല പരവ കോളനി നിവാസികള് ആരോപിക്കുന്നു.
പട്ടിക ജാതി കോളനി പതിവില്പ്പെട്ട ഇരുപത്തിയഞ്ച് സെന്റ് സ്ഥലം തട്ടിയെടുക്കുവാനും പ്രദേശത്ത് സംഘര്ഷാവസ്ഥ സൃഷ്ടിക്കുവാനുമുള്ള ശ്രമമാണ് ചില വ്യക്തികള് നടത്തി വരുന്നതെന്ന് കോളനി നിവാസികള് പറയുന്നു. കൂടാതെ ഈ സംഭവത്തിന്റെ മറവില് സ്വകാര്യ വ്യക്തിയുടെ കൈവശമുള്ള നാല് ഏക്കറോളം വരുന്ന കായലും പാടവും നികത്തിയെടുക്കുവാനുള്ള ഗൂഢശ്രമവും ഇതിന് പിന്നിലുണ്ട്.
ഇതിനായി റവന്യൂ ഉദേ്യാഗസ്ഥരെ സ്വാധീനിക്കുവാനുള്ള നീക്കങ്ങളാണ് നടന്നുവരുന്നത്. ഇത്തരം സമീപനം ഒരു കാരണവശാലും അംഗീകരിക്കില്ലെന്ന് വെളുത്തുള്ളി പരവ കോളനിയില് ചേര്ന്ന പ്രതിഷേധ കൂട്ടായ്മ മുന്നറിയിപ്പ് നല്കി.
പ്രതിഷേധ കൂട്ടായ്മയില് കോളനി വികസന സമിതി പ്രസിഡന്റ് വി.വി. ബിനൂപ് അദ്ധ്യക്ഷത വഹിച്ചു.
ജെവൈഎസ് സംസ്ഥാന സെക്രട്ടറി വി.കെ. ഗൗരീശന് ഉദ്ഘാടനം ചെയ്തു. വി.എസ്. രതീഷ്, വി. സാജന്, വി.ബി. രാജേഷ്, വി.അജിത്, വി.വി. ഹരിദാസ്, വി.കെ. മനോഹരന്, വി.വി. ലക്ഷ്മണന്, വി.എസ്. മുരളീധരന്, വി.ജി. പ്രജീഷ് തുടങ്ങിയവര് പ്രസംഗിച്ചു.
ഇതു സംബന്ധിച്ച് മുഖ്യ മന്ത്രി, റവന്യൂ മന്ത്രി എന്നിവര്ക്ക് പരാതി നല്കി.
