മണ്ണാര്ക്കാട്: അമിത വേഗതയിലെത്തിയ സ്വകാര്യ ബസ് മുമ്പിലുളള കാറുകളെയും എതിരെ വന്ന വാഹനങ്ങളെയും ഇടിച്ച്തെറിപ്പിച്ചു. ദേശീയ പാതയില് കുമരംപുത്തൂര് കല്ലടി സ്കൂളിന് സമീപം വ്യാഴാഴ്ച ഉച്ചക്ക് 12.15ഓടെയാണ് അപകടം.
കാര് യാത്രക്കാരായ പെരിന്തല്മണ്ണ പുലാമന്തോള് സ്വദേശികളായ ദേവസ്യ (58), ഭാര്യ അല്ഫോന്സ (45), ബൈക്ക് യാത്രക്കാരനായ എടത്തനാട്ടുകര സ്വദേശി അഭിജിത്ത് (23) എന്നിവര്ക്കാണ് പരിക്കേറ്റത്.
അമിത വേഗതയിലായിരുന്നു സ്വകാര്യ ബസ്സെന്ന് പ്രദേശ വാസികള് പറഞ്ഞു. പരിക്കേറ്റവരെ വട്ടമ്പലം സ്വകാര്യ ആസ്പത്രിയില് പ്രവേശിപ്പിച്ചു. അപകടത്തെ തുടര്ന്ന് ബസ് ഡ്രൈവര് ഓടി രക്ഷപ്പെട്ടു.മണ്ണാര്ക്കാട് ഭാഗത്ത് നിന്ന് ഗുരുവായൂരിലേക്ക് പോവുകയായിരുന്ന സ്വകാര്യ ബസ് മുമ്പിലുളള രണ്ടുകാറുകളിലും, എതിര് ദിശയില് വരുകയായിരുന്ന മറ്റൊരു കാറിലുംഇടിച്ചു.
