കണ്ണൂര്: അടിസ്ഥാന സൗകര്യവികസനത്തിലൂടെയും അക്കാദമിക് രംഗത്തെ ഗുണനിലവാരം ഉയര്ത്തിയും സ്വാശ്രയ കോളേജുകള് സ്ഥിരം അഫിലിയേഷന് നേടിയെടുത്തില്ലെങ്കില് വിദ്യാഭ്യാസ മേഖലയില് പിന്തള്ളപ്പെട്ടുപോകുമെന്ന് കണ്ണൂര് സര്വ്വകലാശാല വൈസ് ചാന്സലര് ഡോ.എം.കെ.അബ്ദുള് ഖാദര് പറഞ്ഞു. സര്വ്വകലാശാല ആസ്ഥാനത്ത് സര്വ്വകലാശാലയുടെ കീഴിലുള്ള 76 സ്വാശ്രയ കോളേജുകളിലെ മാനേജര്മാരുടെയും പ്രിന്സിപ്പല്മാരുടെയും യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സര്വ്വകലാശാലയുടെ കീഴിലുള്ള കോളേജുകളുടെ ഗുണനിലവാരം പരിശോധിച്ച് റാങ്കിംഗ് നടത്താന് ആലോചിക്കുന്നുണ്ട്. ഇപ്പോള് ഓരോ വര്ഷത്തേക്കുള്ള താല്ക്കാലിക അഫിലിയേഷനാണ് സ്വാശ്രയ കോളേജുകള്ക്കുള്ളത്. ഇക്കൊല്ലവും ബിരുദ പ്രവേശനം ഓണ്ലൈന് ആയിത്തന്നെ നടത്തുമെന്നും ഓറിയന്റല് ടൈറ്റില് കോഴ്സുകളിലേക്കുള്ള അഡ്മിഷനും ഇപ്രാവശ്യം ഓണ് ലൈന് ആയിരിക്കുമെന്നും വൈസ് ചാന്സലര് അറിയിച്ചു.
ഏപ്രില് ആദ്യവാരം മുതല് സിണ്ടിക്കേറ്റ് അംഗങ്ങളുടെ ഒരു ടീം സ്വാശ്രയ കോളേജുകള് സന്ദര്ശിച്ച് ഗുണനിലവാരം ഉറപ്പാക്കുന്നതിന്റെ അടിസ്ഥാനത്തില് സ്ഥിരം അഫിലിയേഷന് നല്കുമെന്ന് ചടങ്ങില് അദ്ധ്യക്ഷത വഹിച്ച് സംസാരിച്ച പ്രൊ വൈസ് ചാന്സലര് ഡോ.ടി.അശോകന് പറഞ്ഞു. ചടങ്ങില് സിണ്ടിക്കേറ്റ് മെമ്പര്മാരായ ഡോ.വി.പി.പി.മുസ്തഫ, ഡോ.ജോണ് ജോസഫ്, എ.നിശാന്ത് എന്നിവര് സംസാരിച്ചു. രജിസ്ട്രാര് ഡോ.ബാലചന്ദന് കീഴോത്ത് സ്വാഗതവും, അസിസ്റ്റന്റ് രജിസ്ട്രാര് ബാലചന്ദ്രന് നന്ദിയും പറഞ്ഞു.
