ചിറ്റൂര്: ചിറ്റൂര് ഗവ. കോളജില് നടന്നു വരുന്ന കലിക്കറ്റ് സര്വകലാശാല എ സോണ് മത്സരങ്ങളില് 220 പോയിന്റുമായി പാലക്കാട് വിക്ടോറിയ കോളജ് ഒന്നാം സ്ഥാനത്തു തുടരുന്നു. വിക്ടോറിയയുടെ തുടര്ച്ചയായ മുന്നേറ്റമാണിത്.
106 പോയിന്റോടെ മണ്ണാര്ക്കാട് എംഇഎസ് കോളജ് രണ്ടാം സ്ഥാനത്താണ്, 98 പോയിന്റുമായി ചിറ്റൂര് ഗവ. കോളജ് മൂന്നാമതുമാണ്. എണ്പത് ഇനങ്ങളിലാണ് മത്സരങ്ങള് പൂര്ത്തിയായത്.
സമാപനദിവസമായ ഇന്ന് കഥാപ്രസംഗം, മാര്ഗംകളി, തിരുവാതിരക്കളി, പരിചമുട്ട്, മത്സരങ്ങള് നടക്കും. സമാപനസമ്മേളനം വൈകുന്നേരം ആറിന് ജില്ലാ പഞ്ചായത്ത് പ്രസിഡന്റ് അഡ്വ. കെ. ശാന്തകുമാരി ഉദ്ഘാടനം ചെയ്യും.
