ജില്ലാ കണ്സ്ട്രക്ഷന് ആന്ഡ് ജനറല് മസ്ദൂര് സംഘ്(ബിഎംഎസ്) ജില്ലാ വാര്ഷിക സമ്മേളനം ഫെഡറേഷന് സംസ്ഥാന ജന. സെക്രട്ടറി കെ.എന്. വിജയന് ഉദ്ഘാടനം ചെയ്യുന്നു
ആലപ്പുഴ: നിര്മ്മാണ മേഖലയിലെ തൊഴിലാളികളുടെ ക്ഷേമകാര്യങ്ങള് കൈകാര്യം ചെയ്യുന്നതില് നിര്മ്മാണ ക്ഷേമനിധി ബോര്ഡ് തികഞ്ഞ അനാസ്ഥയാണ് കാട്ടുന്നതെന്ന് ജില്ലാ കണ്സ്ട്രക്ഷന് ആന്ഡ് ജനറല് മസ്ദൂര് സംഘ് ഫെഡറേഷന് സംസ്ഥാന ജനറല് സെക്രട്ടറി കെ.എന്. വിജയന്. ജില്ലാ വാര്ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
നിര്മ്മാണ മേഖലയിലുണ്ടാകുന്ന തൊഴിലില്ലായ്മ പരിഹരിക്കാനും തൊഴിലാളികളുടെ സുരക്ഷിതത്വം ഉറപ്പാക്കാനും സര്ക്കാര് നടപടി സ്വീകരിക്കണമെന്നും അദ്ദേഹം പറഞ്ഞു. കണ്സ്ട്രക്ഷന് ആന്ഡ് ജനറല് മസ്ദൂര് സംഘ് ജില്ലാ പ്രസിഡന്റ് സി.ജി. ഗോപകുമാര് അദ്ധ്യക്ഷനായി.
ബിഎംഎസ് ജില്ലാ പ്രസിഡന്റ് ബി. രാജശേഖരന് സമാപന പ്രസംഗം നടത്തി. ജനറല് സെക്രട്ടറി ബിനീഷ് ബോയി റിപ്പോര്ട്ട് അവതരിപ്പിച്ചു. ബിഎംഎസ് ജില്ലാ ഭാരവാഹികളായ പി.ബി. പുരുഷോത്തമന്, വി.കെ. ശിവദാസ്, കെ. കൃഷ്ണന്കുട്ടി, കെ. സദാശിവന്പിള്ള, മേഖലാ ഭാരവാഹികളായ ജി. ഗോപകുമാര്, യശോധരന്, എസ്. രാജേന്ദ്രന് എന്നിവര് സംസാരിച്ചു.
ഭാരവാഹികളായി സി.ജി. ഗോപകുമാര് (പ്രസിഡന്റ്), വി. ശാന്തജകുറുപ്പ്, കെ.കെ. ശിവരാമന്, പി.ബി. ലാലപ്പന്, വി.എസ്. നടരാജന് (വൈസ് പ്രസിഡന്റുമാര്), ബിനീഷ് ബോയ് (ജനറല് സെക്രട്ടറി), പി. യശോധരന്, കെ.എസ്. പ്രദീപ്, കൃഷ്ണകുമാര്, വനജ രതീഷ് ബാബു (സെക്രട്ടറിമാര്), ടി.സി. സുനില്കുമാര് (ഖജാന്ജി) എന്നിവരെ തെരഞ്ഞെടുത്തു.
