ആലപ്പുഴ: അഴിമതിയുടെ പേരില് മാവേലിക്കര സഹകരണ ബാങ്ക് ഭരണസമിതി പിരിച്ചുവിട്ടത് കോണ്ഗ്രസ്സ് നേതൃത്വത്തിനേറ്റ പ്രഹരമാണെന്ന് ബിജെപി ജില്ലാ പ്രസിഡന്റ് കെ.സോമന് അഭിപ്രായപ്പെട്ടു.കോണ്ഗ്രസ്സ് നേതൃത്വത്തിലുള്ള ഭരണസമിതി നടത്തിയ അഴിമതി പുറത്ത് വന്നപ്പോള് പ്രസിഡന്റ് രാജിവെച്ച് പുറത്ത് പോയതിന് പകരം താല്കാലിക പ്രസിഡന്റിനെ തെരഞ്ഞെടുത്ത കോണ്ഗ്രസ്സ് നേതൃത്വം ഇപ്പോള് പരിഹാസ്യരായിരിക്കുകയാണ്. സഹകരണ നിയമം താല്ക്കാലിക പ്രസിഡന്റിനെ തെരഞ്ഞെടുക്കാന് അനുവദിക്കില്ലെന്നത് മറച്ച് വെച്ച് അഴിമതിക്കാരെ സംരക്ഷിക്കാന് നേതൃത്വം നടത്തിയ ജനാധിപത്യ വിരുദ്ധ സമീപനമാണ് പുറത്ത് വന്നിരിക്കുന്നത്. ഇതിലുള്ള ജാള്യത മറക്കാനാണ് ഭരണസമിതി പിരിച്ചുവിടലിനെതിരെ കോണ്ഗ്രസ്സ് നേതാക്കള് രംഗത്ത് വന്നിരിക്കുന്നത്.
സിപിഎമ്മിന്റെയും കോണ്ഗ്രസ്സിന്റെയും നേതൃത്വത്തിലുള്ള ഭരണസമിതികള് നടത്തിയിട്ടുള്ള ജില്ലയിലെ മറ്റു സഹകരണ സംഘങ്ങളിലെ അഴിമതി കണ്ടെത്താനും,ഭരണ സമിതി പിരിച്ച് വിടാനും സംസ്ഥാന സഹകരണ മന്ത്രി നേരിട്ടിടപ്പെടണമെന്ന് ആവശ്യപ്പെട്ട് കൊണ്ട് ബിജെപി തുടര് പ്രക്ഷോപങ്ങള് സംഘടിപ്പിക്കുമെന്നും അദ്ദേഹം പ്രസ്താവനയില് കൂട്ടിച്ചേര്ത്തു.
