കണ്ണൂര്: കണ്ണൂര് യൂണിവേഴ്സിറ്റി വിദൂര വിദ്യാഭ്യാസ വിഭാഗം കലോത്സവം 25,26 തീയ്യതികളില് പയ്യന്നൂരില് നടക്കുമെന്ന് യൂണിവേഴ്സിറ്റി വിദൂര വിദ്യാഭ്യാസ വിഭാഗം ഡയരക്ടര് എം.രാമചന്ദ്രന് വാര്ത്താ സമ്മേളനത്തില് അറിയിച്ചു. ഇന്ന് വൈകുന്നേരം 3 മണിക്ക് പയ്യന്നൂവര് നഗരത്തില് ഇതോടനുബന്ധിച്ച് വിളംബര ഘോഷ യാത്ര നടക്കും. പയ്യന്നൂര് ഗവണ്മെന്റ് ഗേള്സ് ഹയര്സെക്കണ്ടറി സ്ക്കൂളിലെ വിവിധ വേദികളിലായാണ് സ്റ്റേജ് മത്സരങ്ങള് അരങ്ങേറുക. കാസര്കോട്,കണ്ണൂര്, വയനാട് ജില്ലകളിലെ 10 സോണുകളില് നിന്നും തെരഞ്ഞെടുക്കപ്പെട്ട 1500 ല്പ്പരം പ്രതിഭകളാണ് മത്സരത്തില് മാറ്റുരയ്ക്കുക. പാരലല് കോളേജ് അസോസിയേഷന്റെ സഹകരണത്തോടെയാണ് യൂണിവേഴ്സിറ്റി കലോത്സവം സംഘടിപ്പിക്കുന്നത്. കലോത്സവം 25 ന് രാവിലെ യൂണിവേഴ്സിറ്റി വൈസ് ചാന്സിലര് ഡോ.എം.കെ.അബ്ദുള്ഖാദര് ഉദ്ഘാടനം ചെയ്യും. സംഘാടക സമിതി വര്ക്കിംഗ് ചെയര്മാന് കെ.എന്.രാധാകൃഷ്ണന് അധ്യക്ഷത വഹിക്കും. 26 ന് വൈകുന്നേരം നടക്കുന്ന സമാപന സമ്മേളനം സി.കൃഷ്ണന് എംഎല്എ ഉദ്ഘാടനം ചെയ്യും.
വാര്ത്താ സമ്മേളനത്തില് കെ.എന്.രാധാകൃഷ്ണന്, രാജേഷ് പാലങ്ങാട്,ബിന്ദു സജിത്ത് കുമാര്, ടി.വി.രവീന്ദ്രന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: