പാനൂര്: പാനൂര് മേഖലയില് പൊതു സ്ഥലങ്ങളിലെ രാഷ്ട്രീയ പാര്ട്ടികളുടെ പ്രചാരണങ്ങള് നീക്കാന് തുടങ്ങി. കഴിഞ്ഞ ദിവസം നടന്ന സര്വകക്ഷി യോഗ തീരുമാനപ്രകാരമാണ് നടപടി.
വിവിധ രാഷ്ട്രീയ പാര്ട്ടികള് പൊതുസ്ഥലങ്ങള് കയ്യടക്കി പ്രചാരണങ്ങള് നടത്തുന്നത് പലപ്പോഴും സംഘര്ഷങ്ങള്ക്കും അക്രമങ്ങള്ക്കും കാരണമായ സാഹചര്യത്തിലായിരുന്നു തീരുമാനം പൊലീസ് ഈ നിര്ദ്ദേശം മുന്നോട്ട് വച്ചപ്പോള് രാഷ്ടീയപാര്ട്ടി പ്രതിനിധികള് ഒന്നടങ്കം പിന്തുണക്കുകയായിരുന്നു.
പാനൂരിനടുത്ത പാലക്കൂലി ല് എല്ലാ വിഭാഗം രാഷ്ട്രീയ പാര്ട്ടി പ്രതിനിധികളുടെയും സാന്നിധ്യത്തില് പ്രിന്സിപ്പല് എസ്.ഐ.എം.എസ്.ഫൈസല് ഇലക്ട്രിക് പോസ്റ്റില് കരിഓയില് ഒഴിച്ച് ഉദ്ഘാടനം ചെയ്തു. വാര്ഡ് കൗണ്സിലര് മടപ്പുര ചന്ദ്രന് അധ്യക്ഷനായി. ജനമൈത്രീ ഓഫീസര് ശ്രീനിവാസന് സ്വാഗതം പറഞ്ഞു. കെ.കെ.ധനഞ്ജയന്, പ്രമോദ്, പി.കെ.ഷാഹുല് ഹമീദ് പി.ദിനേശന്, കെ.പി.ചന്ദ്രന്, കെ.വി.ഇസ്മയില്, ഒ.ടി.നവാസ്, ഹാരിസ് അസ്ദ തുടങ്ങിയവര് പ്രസംഗിച്ചു.
