ആലപ്പുഴ: പങ്കാളിത്ത പെന്ഷന് പിന്വലിക്കുമെന്ന് പ്രകടന പത്രികയില് വാഗ്ദാനം ചെയ്ത ഇടതു സര്ക്കാര് വാക്കുപാലിക്കാന് തയ്യാറാകണമെന്ന് രാഷ്ട്രീയ രാജ്യ കര്മ്മചാരി മഹാസംഘ് ദേശീയ ഉപാദ്ധ്യക്ഷന് സി. സുരേഷ്കുമാര്. 23ന് നടക്കുന്ന നിയമസഭാ മാര്ച്ചിന്റെ പ്രചരണാര്ത്ഥം എന്ജിഒ സംഘ് ജില്ലാ സമിതി രണ്ടു ദിവസമായി നടത്തിയ ജില്ലാ വാഹന പ്രചാരണ യാത്രയുടെ സമാപന സമ്മേളനം വണ്ടാനത്ത് ഉദ്ഘാടനം ചെയ്യുകയായിരുന്നു അദ്ദേഹം. പങ്കാളിത്ത പെന്ഷന് പിന്വലിക്കുക, പെന്ഷന് പ്രായം 60ആയി ഉയര്ത്തുക, ക്ലാസ് ഫോര് ജീവനക്കാര്ക്ക് പ്രമോഷന് നല്കുക, ക്വട്ടേഷന് മാഫിയ സംഘത്തെ അമര്ച്ച ചെയ്യുക തുടങ്ങിയ ആവശ്യങ്ങള് ഉന്നയിച്ചാണ് നിയമസഭാ മാര്ച്ച്. സമാപന സമ്മേളനത്തില് സ്വാഗത സംഘം വൈസ് ചെയര്മാന് പി. ഷിബു അദ്ധ്യക്ഷത വഹിച്ചു. ദാഥാ ക്യാപ്റ്റന് ജെ. മഹാദേവന്, എന്ജിഒ സംഘ് സംസ്ഥാന ജോയിന്റ് സെക്രട്ടറി എ. പ്രകാശ്, കെ. മധു, സുമേഷ് ആനന്ദ്, കെ.ആര്. രജീഷ്, എസ്. ശ്രീജിത്ത്, ബാലകൃഷ്ണന്, ജയ്മോന്, എസ്. സുബാഷ് എന്നിവര് സംസാരിച്ചു.
ഇടതു സര്ക്കാര് വാക്കു പാലിക്കണം: എന്ജിഒ സംഘ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.