മമ്പറം: മൂന്നര പതിറ്റാണ്ടോളം വിദ്യാഭ്യാസ രംഗത്ത് മാതൃകയായി നിലനിന്ന മമ്പറം ഹയര് സെക്കണ്ടറി സ്കൂള് അന്താരാഷ്ട്ര നിലവാരത്തിലുയര്ത്തുന്നതിന് വികസനസമിതി രൂപീകരിച്ചു. ആറുകോടി രൂപ വകയിരുത്തിക്കൊണ്ടുള്ള പദ്ധതിക്കാണ് വികസന സമിതി രൂപം നല്കിയത്. ക്ലാസ് റൂമുകള് ഹൈടെക്കാക്കുന്നതോടൊപ്പം ലൈബ്രറിയും ലാബുകളും ബാത്ത് റൂം സംവിധാനങ്ങളും ഉന്നത നിലവാരത്തിലേക്കുയര്ത്തും. ഒരോ കുട്ടിക്കും ഒരു കമ്പ്യൂട്ടര് പഠനത്തിനുപകരിക്കും വിധം സംവിധാനമൊരുക്കും. സ്റ്റേഡിയവും നീന്തല്ക്കുളവും നിര്മ്മിക്കുന്നതോടൊപ്പം സ്കൂള് പരിസരം സൗന്ദര്യവല്ക്കരണവും നടത്തും. കുടിവെള്ള വിതരണ സംവിധാനം വ്യാപകമാക്കും.
സ്കൂള് ഹാളില് ചേര്ന്ന ചടങ്ങില് ജില്ലാ പഞ്ചായത്ത് മെമ്പര് പി.ഗൗരി അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡണ്ട് കെ.കെ.രാജീവന് യോഗം ഉദ്ഘാടനം ചെയ്തു. സ്ക്കൂള് മാനേജര് മമ്പറം പി.മാധവന് ആമുഖഭാഷണം നടത്തി. വാര്ഡ് മെമ്പര്മാരായ മനോജ്, വസന്ത, ഹരിദാസ് മൊകേരി തുടങ്ങിയവര് പദ്ധതി വിശദീകരിച്ചു. മലബാര് ദേവസ്വം പ്രസിഡണ്ട് സജീവ് മാറോളി, പ്രിന്സിപ്പാള് കെ.രവീന്ദ്രന്, പിടിഎ പ്രസിഡണ്ട് ഇ.മനോഹരന് കൈപ്പച്ചേരി മുകുന്ദന്, ഭാസ്കരന്, ലാല് ചന്ദ് മുതലായവര് പ്രസംഗിച്ചു. ഭാരവാഹികളായി കെ. മധുസൂദനന് (ചെയര്മാന്) കെ.രവീന്ദ്രന് (കണ്വീനര്) കെ.വി.കെ.ബാലന് ( ട്രഷറര്) എന്നിവരെ തെരഞ്ഞെടുത്തു.
