കണ്ണൂര്: സംസ്ഥാനതല പഞ്ചായത്ത് ദിനാഘോഷം ഇന്ന് 11 മണിക്ക് കേരള ഗവര്ണര് ജസ്റ്റിസ് (റിട്ട.) പി.സദാശിവം ഉദ്ഘാടനം ചെയ്യും. മന്ത്രി ഡോ.കെ.ടി. ജലീല് അധ്യക്ഷത വഹിക്കും. ചടങ്ങില് പ്രതിപക്ഷ നേതാവ് രമേശ് ചെന്നിത്തല, മന്ത്രിമാരായ കടന്നപ്പളളി രാമചന്ദ്രന്, കെ.കെ.ശൈലജ എന്നിവര് പങ്കെടുക്കും.
ഉച്ചയ്ക്ക് 12 മണിക്ക് നവകേരളത്തിനായി ജനകീയാസൂത്രണം എന്ന വിഷയത്തില് ജില്ലയിലെ മുഴുവന് ജനപ്രതിനിധികളും പങ്കെടുക്കുന്ന ഓപ്പണ് ഫോറം മന്ത്രി വി.എസ്.സുനില്കുമാര് ഉദ്ഘാടനം ചെയ്യും. ചീഫ് സെക്രട്ടറി എസ്.എം.വിജയാനന്ദ് മുഖ്യ പ്രഭാഷണം നടത്തും. ഡോ. ടി.എന്.സീമ, ഡോ.ബി.ഇക്ബാല്, വി.കെ.ബേബി, ഡോ.കെ.വാസുകി, എസ്.ഹരികിഷോര് തുടങ്ങിയവര് പങ്കെടുക്കും.
ഉച്ചയ്ക്ക് 2 മണിക്ക് പ്രതിനിധി സമ്മേളനം ഗ്രാമപഞ്ചായത്ത് അസോസിയേഷന് പ്രസിഡന്റ് തുളസീഭായി പത്മനാഭന്റെ അധ്യക്ഷതയില് മന്ത്രി കെ.ടി.ജലീല് ഉദ്ഘാടനം ചെയ്യും. എസ്.എം.വിജയാനന്ദ്, ടി.കെ.ജോസ്, വിവിധ വകുപ്പ് മേധാവികള് തുടങ്ങിയവര് പങ്കെടുക്കും. മികച്ച ഗ്രാമപഞ്ചായത്തുകള്ക്കുളള സ്വരാജ് ട്രോഫി വിതരണവും വിവിധ മത്സരവിജയികള്ക്കുളള സമ്മാനദാനവും ഉച്ചയ്ക്ക് 3 മണിക്ക് മന്ത്രി രാമചന്ദ്രന് കടന്നപ്പളളി, എംപിമാരായ പി.കരുണാകരന്, കെ.കെ.രാഗേഷ്, എംഎല്എമാരായ കെ.സി.ജോസഫ്, ഇ.പി.ജയരാജന്, എം.കെ.മുനീര് എന്നിവര് നിര്വ്വഹിക്കും. പി.കെ.ശ്രീമതി എം.പി അധ്യക്ഷത വഹിക്കും.
