മയ്യില്: കേരള പത്മശാലിയ സംഘം കടൂര് ശാഖാ സമ്മേളനവും ഉന്നത വിജയികള്ക്കുള്ള അനുമോദനവും സംഘടിപ്പിച്ചു. പത്മശാലിയാ സംഘം വനിതാ വിഭാഗം സംസ്ഥാന പ്രസിഡണ്ട് മല്ലികടീച്ചര് ഉദ്ഘാടനം ചെയ്തു. മനോജ് അഞ്ചാംകുടി അധ്യക്ഷത വഹിച്ചു. സംസ്ഥാന യുവജന വിഭാഗം ചെയര്മാന് രതീശന് പയഞ്ചേരി സംസാരിച്ചു. ചടങ്ങില് യുഎസ്എസ് പരീക്ഷയില് വിജയിച്ച മയ്യില് ഹൈസ്കൂള് വിദ്യാര്ത്ഥിനി അഞ്ജനയെയും ചെണ്ടവാദ്യത്തിലും മറ്റ് മത്സരങ്ങളിലും സമ്മാനങ്ങള് നേടിയ സിജിഷ്, കസ്തൂരി, ഷാജിവന് എന്നിവരുടെ നേതൃത്വത്തിലുള്ള പന്ത്രണ്ടംഗ വിഘ്നേശ്വര വാദ്യസംഘത്തെയും അനുമോദിച്ചു.
മനോജ് അഞ്ചാംകുടി (പ്രസിഡണ്ട്), ജിതിന് ഇരിങ്ങ (ജനറല് സെക്രട്ടറി), എന്നിവരടങ്ങുന്ന പതിനാലംഗ കമ്മറ്റി രൂപീകരിച്ചു. എം.കെ.ഗോപാലന് ഇളയചെട്ടിയാന്, സി.മോഹനന് ചെട്ടിയാന്, എന്നിവര് സംസാരിച്ചു.
