പൊന്കുന്നം: ഇളങ്ങുളം രംഗശ്രീ കഥകളി ക്ലബ്ബിന്റെ പ്രസിഡന്റും പ്രശസ്ത കഥകളി പ്രചാരകനും അദ്ധ്യാപകനും സാമൂഹ്യസാംസ്കാരികകലാരംഗങ്ങളിലെ നിറസാന്നിധ്യവുമായ മീനടം ഉണ്ണിക്കൃഷ്ണന്റെ 60ാം പിറന്നാള് വിവിധ സാംസ്കാരികസാമൂഹികസാമുദായികകലാ രംഗത്തെ പ്രമുഖരുടെ സാന്നിധ്യത്തില് ആഘോഷിച്ചു.
ആഘോഷങ്ങളുടെ ഭദ്രദീപപ്രകാശനം കോട്ടയ്ക്കല് ചന്ദ്രശേഖര വാര്യര് നിര്വഹിച്ചു. തുടര്ന്നു നടന്ന സുഹൃദ്സമ്മേളനം പ്രശസ്ത കഥകളി നടന് മാത്തൂര് ഗോവിന്ദന്കുട്ടി ഉദ്ഘാടനം ചെയ്തു. ഡോ. എന്. ജയരാജ് എംഎല്എ, പ്രഫ. സി.എന്. പുരുഷോത്തമന്, കലാമണ്ഡലം രാമചന്ദ്രന് ഉണ്ണിത്താന്, കുടമാളൂര് മുരളീകൃഷ്ണന്, എന്എസ്എസ് നായകസഭാംഗം എം.എസ്. മോഹന്, ഫാ. സേവ്യര് കിഴക്കേമ്യാലില്, കുറൂര് വാസുദേവന് നമ്പൂതിരി, പൊതിയില് നാരായണ ചാക്യാര്, ജയസൂര്യന്, കലാമണ്ഡലം രാജേന്ദ്രന്, കുറിച്ചിത്താനം ജയകുമാര്, കെ. വിനോദ് മുളയ്ക്കല്, സി.കെ. രാഘവന്, പി. രാധാകൃഷ്ണക്കുറുപ്പ്, നടുവട്ടം സത്യശീലന്, ശ്രീകുമാര് നാരായണമംഗലം, പ്രഫ. എന്.കെ. രാധാകൃഷ്ണന്, എ.എന്. ശ്രീധരന് നായര്, വി.എ. ശിവശങ്കരപ്പിള്ള, വി.കെ. ഉണ്ണിക്കൃഷ്ണന് നായര്, ഫാക്ട് മോഹന് തുടങ്ങിയവര് പ്രസംഗിച്ചു.
ഉച്ചകഴിഞ്ഞ് നടന്ന പൊതുസമ്മേളനം സിനിമാകഥകളി നടനുമായ ബാബു നമ്പൂതിരി ഉദ്ഘാടനം ചെയ്തു. എലിക്കുളം ഗ്രാമപഞ്ചായത്ത് പ്രസിഡന്റ് എം.പി. സുമംഗലാദേവി അധ്യക്ഷത വഹിച്ചു. പന്തളം എന്എസ്എസ് കോളജ് റിട്ട. പ്രിന്സിപ്പാള് ഡോ. കെ.എന്. വിശ്വനാഥന് നായര് മുഖ്യപ്രഭാഷണവും നടത്തി. തുടര്ന്ന് മീനടം ഉണ്ണിക്കൃഷ്ണന് തന്റെ ഗുരുനാഥനായ ഡി.എല്. ശര്മയെ ആദരിച്ചു. രംഗശ്രീ കഥകളി ക്ലബ്ബ് അംഗവും യൂണിവേഴ്സല് റിക്കാര്ഡ് ഫോറം ജേതാവുമായ ലതാ ആര് പ്രസാദ് രചിച്ച വേഴാമ്പല് എന്ന കവിതാസമാഹാരം ചടങ്ങില് പ്രകാശനം ചെയ്തു. രംഗശ്രീ കഥകളി ക്ലബ്ബിനു വേണ്ടി കെ.വി. നാരായണന് നമ്പൂതിരി മീനടത്തിനെ പൊന്നാടയണിയിച്ച് ആദരിച്ചു. പി.ജി. രാധാകൃഷ്ണന് പറപ്പള്ളില് പ്രശസ്തിപത്രം സമര്പ്പിച്ചു. ക്ലബ്ബ് സെക്രട്ടറി വി.എ. ശിവശങ്കരപ്പിള്ള ഉപഹാരസമര്പ്പണം നടത്തി. വൈസ് പ്രസിഡന്റ് എ.എന്. ശ്രീധരന് നായര്, വി. രാജീവ് തുടങ്ങിയവര് പ്രസംഗിച്ചു. തുടര്ന്ന് മേജര്സെറ്റ് കഥകളി ശ്രീരാമ പട്ടാഭിഷേകം അരങ്ങിലാടി.
