മാനന്തവാടി: ഡയാന സ്പോർട്സ് ആൻഡ് ആർട്സ് ക്ളബ്ബിന്റെ നേതൃത്വത്തിൽ നടത്തിയ ജില്ലതല ഷട്ടിൽ ടൂർണമെന്റ് സമാപിച്ചു. വിജയികൾക്ക് മാനന്തവാടി എസ്.ഐ എം.കെ. സന്തോഷ് ട്രോഫികൾ വിതരണം ചെയ്തു. ഡയാനയുടെ നേതൃത്വത്തിൽ മാനന്തവാടിയിൽ നടന്ന മാതൃഭൂമി കേരള സ്റ്റേറ്റ് സീനിയർ ഇന്റർ ഡിസ്ട്രിക്ട് ഓപ്പൺ ആൻഡ് മാസ്റ്റേഴ്സ് ബാഡ്മിന്റൺ (ഷട്ടിൽ) ടൂർണമെന്റിനോടനുബന്ധിച്ചുള്ള സോവനീർ പ്രകാശനം ചെയ്തു. മാനന്തവാടി നഗരസഭാ ചെയർമാൻ വി.ആർ. പ്രവീജ് നഗരസഭാ സ്ഥിരം സമിതിയംഗം പി.ടി. ബിജുവിനു മാഗസിൻ കൈമാറി പ്രകാശകർമം നിർവഹിച്ചു. ജില്ലാ സ്പോർട്സ് കൗൺസിൽ പ്രസിഡന്റ് എം. മധുവിനു സ്വീകരണം നൽകി. ഡയാന ക്ളബ് പ്രസിഡന്റ് ഇ.എം. ശ്രീധരൻ അധ്യക്ഷത വഹിച്ചു.
അഡ്വ. സായി കൃഷ്ണൻ, ഡോ.പി.സി. സജിത്ത്, ടി. രവീന്ദ്രൻ എന്നിവർ സംസാരിച്ചു.
വിവിധയിനങ്ങളിൽ യഥാക്രമം ഒന്നും രണ്ടും സ്ഥാനങ്ങൾ നേടിയവർ:
മെൻസ് സിംഗിൾസ്: സന്തോഷ് കല്പറ്റ, ഫിനൂബ് ബഷീർ (ഡയാന).
മെൻസ് ഡബിൾസ്: സന്തോഷ് ആൻഡ് മിഥുൻ (കല്പറ്റ), റിഗിൻ ആൻഡ് സനൂപ് (ചുള്ളിയോട്).
മാസ്റ്റേഴ്സ് സിംഗിൾസ്: നൗഷാദ് (കമ്പളക്കാട്), നാരായണൻ (കോസ്മോ, കല്പറ്റ).
മാസ്റ്റേഴ്സ് ഡബിൾസ്: നൗഷാദ് ആൻഡ് റിനീഷ് (കണിയാമ്പറ്റ), അഫ്സൽ ആൻഡ് നിസാൽ (കോസ്മോ ബത്തേരി).
വെറ്ററൻസ് സിംഗിൾസ്: നാരായണൻ (കല്പറ്റ), ബിജു (പുല്പള്ളി).
വെറ്ററൻസ് ഡബിൾസ്: നാരായണൻ ആൻഡ് രഞ്ജിത് ബാബു (കല്പറ്റ), ബിജു ആൻഡ് നാരായണൻ (പുല്പള്ളി).
V.O.VIJAYAKUMAR
