കിഴക്കനോതറ : ഓതറയിലെ കാര്ഷിക സംസ്കാരവുമായി ബന്ധപ്പെട്ട തീപ്പുക മൂര്ത്തിക്കാവ് ക്ഷേത്രത്തില് വിഗ്രഹപ്രതിഷ്ഠ നടത്തി.
തന്ത്രി ഓച്ചിറ പച്ചംകുളത്ത് ഇല്ലം ഉണ്ണികൃഷ്ണന്പോറ്റിയാണ് വിഗ്രഹ പ്രതിഷ്ഠ നടത്തിയത്. ശൈവ സങ്കല്പ്പത്തിലുള്ള തീപ്പുക മൂര്ത്തി, ഭദ്രകാളി, നാഗരാജാവ്, യോഗീശ്വരന്, രക്ഷസ് തുടങ്ങിയ പ്രതിഷ്ഠകളാണ് ബുധന് രാവിലെ 9.30 നുള്ള മുഹൂര്ത്തത്തില് നടത്തിയത് .
ശ്രികോവിലിന്റെ താഴികക്കുടം പ്രതിഷ്ഠിച്ച് കലശാഭിഷേകവും നടത്തി. ചെങ്ങന്നൂര് എം ജി രാധാകൃഷ്ണന് ആചാരിയാണ് വിഗ്രഹ ശില്പ്പി. ക്ഷേത്രത്തിലെ ആദ്യ ആട്ട വിശേഷമായി ഫെബ്രുവരി 24 ന് ശിവരാത്രി നാളില് അഷ്ടദ്രവ്യമഹാഗണപതി ഹോമം മൃത്യുഞ്ജയഹോമം, പൊങ്കാല തുടങ്ങിയവയും നടക്കുമെന്ന് ക്ഷേത്ര കമ്മിറ്റി പ്രസിഡന്റ് ടി കെ ശങ്കരന് അറിയിച്ചു.
