കണ്ണൂര്: സംസ്ഥാന പഞ്ചായത്ത് ദിനാഘോഷത്തിന്റെ ഭാഗമായി കണ്ണൂര് ജില്ലാതല ചിത്രരചനാ മത്സരം സംഘടിപ്പിക്കുന്നു. എല്പി, യുപി, ഹൈസ്ക്കൂള്-ഹയര് സെക്കണ്ടറി വിദ്യാര്ഥികള്ക്കാണ് ഫിബ്രവരി 11ന് വാട്ടര് കളര് മത്സരം സംഘടിപ്പിക്കുന്നത്. താല്പ്പര്യമുള്ളവര് മുന്കൂട്ടി പേര് രജിസ്റ്റര് ചെയ്യണമെന്ന് പബ്ലിസിറ്റി കമ്മിറ്റി അറിയിച്ചു. ഫോണ്. 0497 2700231.
ഫെബ്രുവരി 18, 19 തീയതികളിലാണ് പഞ്ചായത്ത് ദിനാഘോഷം. പഞ്ചായത്ത് ദിനാഘോഷത്തിന്റെ ഭാഗമായി ഗ്രാമപഞ്ചായത്തുകളെ അണിനിരത്തിയുള്ള ഘോഷയാത്രയും ജനപ്രതിനിധികള്ക്കായി ഓപ്പണ്ഫോറവും സംഘടിപ്പിക്കും. 18ന് വൈകിട്ട് കണ്ണൂര് നഗരം കേന്ദ്രീകരിച്ചാണ് ഘോഷയാത്ര ഒരുക്കുക. വിവിധ വകുപ്പുകളുടെ സംസ്ഥാന തല ഉദ്യോഗസ്ഥരുമായി തദ്ദേശസ്ഥാപനങ്ങളിലെ ജനപ്രതിനിധികള്ക്ക് നേരിട്ട് സംവദിക്കാവുന്ന ഓപ്പണ് ഫോറം, സെമിനാര്, വികേന്ദ്രീകൃതാസൂത്രണവും കേരളത്തിന്റെ ചരിത്രവും സാമൂഹ്യ വികാസവും അടിസ്ഥാനമാക്കിയ ചിത്രപ്രദര്ശനം എന്നിവയും ദിനാഘോഷത്തിന്റെ ഭാഗമായി സംഘടിപ്പിക്കുന്നുണ്ട്. ആദ്യമായാണ് പഞ്ചായത്ത് ദിനാഘാഷവുമായി ബന്ധപ്പെട്ട് ഓപ്പണ് ഫോറം സംഘടിപ്പിക്കുന്നത്. 19 ന് പ്രതിനിധി സമ്മേളനം നടക്കും. സംസ്ഥാനത്തെ എല്ലാ പഞ്ചായത്തുകളിലെയും രണ്ട് വീതം പ്രതിനിധികളാണ് പരിപാടിയില് പങ്കെടുക്കുക. പബ്ലിസിറ്റി കമ്മിറ്റി യോഗത്തില് ചെയര്മാന് കെ.ഇ.കുഞ്ഞബ്ദുള്ള അധ്യക്ഷനായിരുന്നു.
