കാണക്കാരി: ക്ഷേത്രഭരണസമിതിയും ഊരായ്മക്കാരും തമ്മിലുള്ള തര്ക്കത്തില് കാണക്കാരി ശ്രീകൃഷ്ണ സ്വാമി ക്ഷേത്രത്തിലെ ഉത്സവം വേണ്ടെന്നു വച്ചു. ഇന്നലെ വൈകിട്ട് 6.45 നായിരുന്നു ക്ഷേത്രത്തിലെ കൊടിയേറ്റ് നടക്കേണ്ടിയിരുന്നത്.
ക്ഷേത്ര ഊരായ്മക്കാരും കാണക്കാരി എന്എസ്എസ് ഭരണസമിതിയും ചേര്ന്നാണ് ക്ഷേത്രഭരണം നടത്തിയിരുന്നത്. കഴിഞ്ഞ 12 വര്ഷമായുള്ള ഉടമ്പടിയുടെ കാലാവധി അവസാനിച്ചതിന് ശേഷം ഇത് പുതുക്കിയിരുന്നില്ല.
തുടര്ന്ന് ക്ഷേത്രഭരണാവകാശം എന്എസ്എസ് കോടതിയിലൂടെ കരസ്ഥമാക്കി. പിന്നീട് ഊരായ്മക്കാര് എറ്റുമാനൂര് മുന്സിഫ് കോടതിയില് നല്കിയ കേസ്സില് അനുകൂല വിധി ഉണ്ടായതാണ് പ്രതിസന്ധിക്ക് കാരണമായത്. തുടര്ന്ന് ഇരു കൂട്ടരും തമ്മിലുള്ള തര്ക്കത്തില് നിലവിലെ ഭരണസമിതി ഉത്സവം വേണ്ടെന്ന തീരുമാനമെടുത്തു. തുടര്ന്ന് ക്ഷേത്രത്തിന് മുന്പില് എന്എസ്എസിന്റെ നേതൃത്വത്തില് ഭരണസമിതി പ്രതിക്ഷേധ ധര്ണ്ണ നടത്തി.
