കണ്ണൂര്‍: തലശ്ശേരി ഐസിഡിഎസ് പ്രൊജക്ട് പരിധിയിലെ ധര്‍മ്മടം, മുഴപ്പിലങ്ങാട്, ന്യൂമാഹി പഞ്ചായത്തുകളില്‍ അങ്കണവാടി വര്‍ക്കര്‍മാരുടെ സ്ഥിരം ഒഴിലേക്കും, മുഴപ്പിലങ്ങാട്, ന്യൂമാഹി പഞ്ചായത്ത് തലശ്ശേരി മുന്‍സിപ്പാലിറ്റി എന്നിവിടങ്ങളിലെ അങ്കണവാടി ഹെല്‍പ്പര്‍ ഒഴിവിലേക്കും നിയമനം നടത്തുന്നതിന് പഞ്ചായത്ത്/മുനിസിപ്പാലിറ്റിയില്‍ സ്ഥിരതാമസമുള്ള സ്ത്രീകളില്‍ നിന്നും അപേക്ഷ ക്ഷണിച്ചു. യോഗ്യത- അങ്കണവാടി വര്‍ക്കര്‍- എസ്എസ് എല്‍സി (എസ്‌സി/എസ്ടി വിഭാഗത്തില്‍ എസ്എസ്എല്‍സി പാസ്സാകാത്തവര്‍ക്കും അപേക്ഷിക്കാം) ഹെല്‍പ്പര്‍ – എഴുത്തും വായനയും അറിയുന്നവരും, എസ്എസ്എല്‍സി പാസാകാത്തവരുമായിരിക്കണം. പ്രായപരിധി 18 നും 46 നും മധ്യേ (എസ്‌സി/എസ്ടി വിഭാഗങ്ങളില്‍പ്പെട്ടവര്‍ക്ക് ഉയര്‍ന്ന പ്രായപരിധിയില്‍ 3 വര്‍ഷം ഇളവ് ലഭിക്കും). താല്‍ക്കാലികമായി സേവനമനുഷ്ഠിച്ചവര്‍ക്ക് ആകെ സേവന കാലയളവ് കണക്കാക്കി 3 വര്‍ഷം വരെ പ്രായപരിധിയില്‍ ഇളവ് ലഭിക്കും. അപേക്ഷ ശിശുവികസന പദ്ധതി ഓഫീസര്‍, തലശ്ശേരി, മുന്‍സിപ്പല്‍ ടിബി കോംപ്ലക്‌സ്, എംജി റോഡ്, തലശ്ശേരി-670 101 എന്ന വിലാസത്തില്‍ ഫെബ്രുവരി 15 നകം ലഭിക്കണം.
അങ്കണവാടി വര്‍ക്കര്‍/ഹെല്‍പ്പര്‍ അപേക്ഷ ക്ഷണിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.