ഇരിട്ടി: മനുഷ്യന് ക്ഷമയുണ്ടെങ്കില് എന്തും നേടാനാവും. ക്ഷമയുള്ളവനേ ലോകത്ത് എന്തെങ്കിലും നേടിയിട്ടുള്ളൂ എന്ന് ആധ്യാത്മിക പ്രഭാഷകനായ അഡ്വ.എ.വി.കേശവന് പറഞ്ഞു. ഇരിട്ടി മൂലോത്തും കുന്ന് കൈരാതി കിരാതക്ഷേത്രത്തിലെ പ്രതിഷ്ടാ ദിനത്തോടനുബന്ധിച്ച് നടന്ന ആദ്ധ്യാത്മിക സദസ്സില് പ്രഭാഷണം നടത്തുകയായിരുന്നു അദ്ദേഹം. ഭാരതത്തില് ചോദ്യം ചോദിച്ചവര്ക്കൊക്കെ അതിന്റെ ഉത്തരം കിട്ടിയിട്ടുണ്ട്. അറിയാനാണ് നമ്മള് ചോദ്യങ്ങള് ചോദിക്കേണ്ടത്. അല്ലാതെ പരീക്ഷിക്കാനല്ല. എന്നാല് ചോദ്യങ്ങള് ചോദിക്കാന് മടിക്കുന്ന ഒരു തലമുറ ഇവിടെ വളര്ന്നു വരുന്നു. ഇന്നത്തെ ഭാരതത്തിലെ ഹിന്ദുവിന്റെ അപാകതയും അതാണ്. ആധ്യാത്മികതയുടെ കേന്ദ്രങ്ങളായ ക്ഷേത്രപ്പടികളില് ചവിട്ടി നിന്നാണ് നമ്മള് മാനസികാരോഗ്യം സംരക്ഷിക്കേണ്ടതെന്നും അദ്ദേഹം പറഞ്ഞു. ഇരിട്ടി മുന്സിപ്പല് കൗണ്സിലര് എന്.കെ.ഇന്ദുമതി പരിപാടി ഉദ്ഘാടനം ചെയ്തു. കെ.എ.ദാമോദരന് മാസ്റ്റര് അദ്ധ്യക്ഷത വഹിച്ചു. എം.രാമചന്ദ്രന് മാസ്റ്റര് സ്വാഗതവും സരസ്വതി ടീച്ചര് നന്ദിയും പറഞ്ഞു. വൈകുന്നേരം പയഞ്ചേരി കൂരുമ്പ ഭഗവതി ക്ഷേത്രത്തില് നിന്നും ക്ഷേത്രത്തിലേക്ക് ഭക്തി നിര്ഭരമായ ഘോഷയാത്ര നടന്നു. തുടര്ന്ന് പ്രഗതി സംഗീത വിദ്യാലയത്തിലെ പടിയൂര് രാജന് മാസ്റ്ററും ശിഷ്യരും അവതരിപ്പിച്ച സംഗീതാര്ച്ചനയും നടന്നു.
ക്ഷമയുള്ളവനേ ലോകത്ത് എന്തെങ്കിലും നേടിയിട്ടുള്ളൂ അഡ്വ. എ.വി.കേശവന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.