പുല്പ്പള്ളി : സര്വ്വീസ് സഹകരണ ബേങ്കില് നടന്നിട്ടുള്ള കോടികളുടെ വായ്പാതട്ടിപ്പും അഴിമതിയും പഞ്ചായത്തില് നടപ്പിലാക്കുന്ന ജലനിധി പദ്ധതിയിലെ അഴിമതിയും ക്രമക്കേടും ആശിക്കും ഭൂമി ആദിവാസിക്ക് പദ്ധതിയിലെ വന് അഴിമതിയും പൊതുജനങ്ങളെ ബോധ്യപ്പെടുത്തുന്നതിനും കുറ്റവാളികളെ ഉടന് അറസ്റ്റ് ചെയ്യണമെന്നാവശ്യപ്പെട്ടും നാളെ ബിജെപി പുല്പ്പള്ളി പഞ്ചായത്ത് കമ്മറ്റിയുടെ നേതൃത്വത്തില് അഴിമതി പ്രചരണ ജാഥ നടത്തും. പുല്പ്പള്ളി സഹകരണ ബേങ്കില് നിയമനവുമായി ബന്ധപ്പെട്ട് ഹൈക്കോടതിയില് ബിജെപി കൊടുത്ത കേസ് നിലനില്ക്കെയാണ് ഇടനിലക്കാരുടെ സഹായത്തോടെ ഭരണ സമിതിയും ജീവനക്കാരും ചേര്ന്ന് യാതൊരു മാനദണ്ഡങ്ങളും പാലിക്കാതെ തുച്ഛമായ ഭൂമിക്ക് പതിന്മടങ്ങ് ലോണ് അനുവദിച്ചിട്ടുള്ളത്. ഇവയില് മിക്കതിലും ഉടമസ്ഥന് ചെറിയ തുക മാത്രമാണ് കൈമാറിയിട്ടുള്ളത്.ബാക്കി തുക ഭരണ സമിതിയിലെ ചിലരും ഇടനിലക്കാരും കൈക്കലാക്കി. ജലനിധി പദ്ധതി ഇടത് വലത് മുന്നണികള് ചേര്ന്ന് അഴിമതി പദ്ധതിയാക്കി. പദ്ധതി നടത്തിപ്പിന്റെ മറവില് കോടികള് സമ്പാദിച്ച ഇടത് വലത് നേതാക്കന്മാര് ചേര്ന്ന് പുല്പ്പള്ളി പട്ടണം വെട്ടിമുറിച്ച് വൃത്തിഹീനമാക്കി. ആദിവാസികളുടെ ഉന്നമനത്തിന് വേണ്ടി നടപ്പിലാക്കിയ ആശിക്കും ഭൂമി പദ്ധതി അഴിമതിമൂലം നാമാവശേഷമാക്കി ആദിവാസികളെ പെരുവഴിയിലാക്കി. യോഗത്തില് കെ.ഡി.ഷാജിദാസ് അദ്ധ്യക്ഷത വഹിച്ചു. തൃതീപ്കുമാര്, പി.ആര്.സുഭാഷ്, സനല്കുമാര്, സുരേന്ദ്രന് അള്ളുങ്കല്, വെങ്കിടദാസ്, അരുണ് എന്നിവര് സംസാരിച്ചു.
അഴിമതി വിരുദ്ധ പ്രചരണ ജാഥ നടത്തും : ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.