അമ്പലപ്പുഴ: അമ്പലപ്പുഴ കണ്ണന്റെ തിരുനടയില് പന്ത്രണ്ടു കളഭ മഹോത്സവത്തിന് ഇന്ന് സമാപനം. നാടിന്റെ നാനാഭാഗങ്ങളില് നിന്നായി പതിനായിരങ്ങളാണ് കണ്ണന്റെ സന്നിധിയില് കളഭദര്ശനത്തിനായി ഒഴുകിയെത്തിയത്.
രാവിലെ നടക്കുന്ന കളഭാഭിഷേക ദര്ശനത്തിനും വൈകിട്ടുള്ള വിളക്കാചാരം വിളക്കെഴുന്നെള്ളിപ്പിനും വന് ഭക്തജനത്തിരക്കാണ് അനുഭവപ്പെട്ടത്. കളഭ മഹോത്സവത്തിന്റെ ഭാഗമായി നടക്കുന്ന ശങ്കരനാരായണ സംഗീതോത്സവത്തിനും കലോത്സവത്തിനും ഇന്ന് സമാപനമാകും. രാവിലെ 8.30ന് ശങ്കരനാരായണ സംഗീതോത്സവത്തിന്റെ ഭാഗമായി സംഗീതാര്ച്ചന നടക്കും.
