വാഷിങ്ടണ്: ലോകത്തില് ഒട്ടും ആത്മാര്ത്ഥതയില്ലാത്തവര് മാധ്യമ പ്രവര്ത്തകരെന്ന് യുഎസ് പ്രസിഡന്റ് ഡൊണാള്ഡ് ട്രംപ്. പ്രസിഡന്റിന്റെ സത്യപ്രതിജ്ഞാ ചടങ്ങില് വളരെ കുറച്ച് ആളുകള് മാത്രമാണ് പങ്കെടുത്തതെന്ന മാധ്യമ വാര്ത്തകളോട് പ്രതികരിക്കവേയാണ് ട്രംപ് ഇങ്ങനെ പറഞ്ഞത്.
ദശലക്ഷം ആളുകളാണ് സത്യപ്രതിജ്ഞചടങ്ങില് പങ്കെടുത്തത്. എന്നാല് തൊട്ടടുത്ത ദിവസം ഒരു ചാനലില് നോക്കിയപ്പോള് ആളുകള് ഇല്ലാതെ ഒഴിഞ്ഞ സത്യപ്രതിജ്ഞാ ചടങ്ങാണ് കാണാന് സാധിച്ചത്. താന് പ്രസംഗിക്കുന്നത് ലക്ഷക്കണക്കിന് ആളുകള് ശ്രവിച്ചിരുന്നു. ഇത് ചാനലില് ഒഴിഞ്ഞ സ്ഥലങ്ങളായാണ് ചിത്രീകരിച്ചത്. യഥാര്ത്ഥത്തില് ഉണ്ടായ സംഭവങ്ങള് മറച്ചുപിടിച്ചാണ് മാധ്യമങ്ങള് വാര്ത്തകള് പുറത്തുവിടുന്നത്.
ഇത്തരത്തില് നിരവധി സംഭവങ്ങള് മാധ്യമങ്ങള് തെറ്റായി പുറത്തുവിട്ടിട്ടുണ്ട്. അതുകൊണ്ടു തന്നെ മനുഷ്യ ജീവികളില് ആത്മാര്ത്ഥത തീരെ ഇല്ലാത്തത് മാധ്യമ പ്രവര്ത്തകര്ക്കാണെന്നും ട്രംപ് കുറ്റപ്പെടുത്തി. അതേസമയം തെറ്റായ ചിത്രങ്ങള് പ്രചരിപ്പിച്ചതിന് മാധ്യമങ്ങള്ക്കെതിരെ നടപടി സ്വീകരിക്കുന്നതാണ്. ഇതിന് വലിയ വിലതന്നെ കൊടുക്കേണ്ടി വരുമെന്നും ട്രംപ് അറിയിച്ചു.
