ആലപ്പുഴ: പാലക്കാട് കഞ്ചിക്കോട്ട് വീട്ടമ്മയെ സിപിഎം അക്രമിസംഘം തീയിട്ട് കൊന്നതില് പ്രതിഷേധിച്ച് 23ന് രാവിലെ 10ന് മഹിളാമോര്ച്ച ജില്ലാ കമ്മറ്റിയുടെ ആഭിമുഖ്യത്തില് ആലപ്പുഴ മിനി സിവില് സ്റ്റേഷനിലേക്ക് പ്രതിഷേധ മാര്ച്ചും ധര്ണ്ണയും നടത്താന് ജില്ലാ കമ്മറ്റി തീരുമാനിച്ചു. ആലപ്പുഴ കല്ലുപാലത്തിന് സമീപത്തുനിന്ന് ആരംഭിക്കുന്ന പ്രതിഷേധ മാര്ച്ചിനുശേഷം നടക്കുന്ന ധര്ണ്ണയില് ബിജെപി മഹിളാ മോര്ച്ച സംസ്ഥാന നേതാക്കള് പങ്കെടുക്കും.
മഹിളാ മോര്ച്ച ജില്ലാ കമ്മറ്റിയോഗത്തില് പ്രസിഡന്റ് ശാന്തകുമാരി അദ്ധ്യക്ഷത വഹിച്ചു. ബിജെപി മേഖലാ പ്രസിഡന്റ് വെള്ളിയാകുളം പരമേശ്വരന് ഉദ്ഘാടനം ചെയ്തു. ബിജെപി ജില്ലാ പ്രസിഡന്റ് കെ. സോമന്, ജന. സെക്രട്ടറി കെ. ജയകുമാര്, സുമംഗലി മോഹന്, എം.വി. ഗോപകുമാര്, മിനിബിജു, ശോഭാ രവീന്ദ്രന് എന്നിവര് സംസാരിച്ചു.
