ആലപ്പുഴ: ചുങ്കം റോഡില് ആരംഭിച്ച ബീവറേജസ് കോര്പറേഷന്റെ വിദേശമദ്യ വില്പ്പനശാല അടച്ചുപൂട്ടണമെന്ന് ആവശ്യപ്പെട്ടു സമരം ശക്തമാക്കാന് ജനകീയ സമിതി കണ്വന്ഷന് തീരുമാനിച്ചു. വില്പ്പനശാല അടച്ചുപൂട്ടണമെന്ന് ആവശ്യപ്പെട്ട് എക്സൈസ് ഡപ്യൂട്ടി കമ്മിഷണറുടെ ഓഫിസിലേയ്ക്കു മാര്ച്ച് നടത്തും.
വിദേശമദ്യശാലയ്ക്കെതിരെയുള്ള ജനകീയ സമിതിയുടെ സമരത്തിനു പിന്തുണ നല്കുമെന്നു കണ്വന്ഷന് ഉദ്ഘാടനം ചെയ്ത നഗരസഭാധ്യക്ഷന് തോമസ് ജോസഫ് പറഞ്ഞു. ഇവിടെ മദ്യശാല നടത്തുന്നതിനു നഗരസഭ അനുമതി നല്കിയിട്ടില്ല. ഇതിനെതിരെ സമരം നടത്തുന്നവരെ പൊലീസ് കേസെടുത്തു പീഡിപ്പിക്കുകയാണ്.
അത് ജനദ്രോഹപരമാണെന്നും പറഞ്ഞു. ജനകീയ സമിതി ചെയര്മാന് ടി.എ. വാഹിദ് അദ്ധ്യക്ഷത വഹിച്ചു. കൗണ്സിലര്മാരായ റാണി രാമകൃഷ്ണന്, എ.എ.റസാക്ക്, എ.എം. നൗഫല്, എസ്എന്ഡിപി ശാഖാ സെക്രട്ടറി ശശിധരന്, വ്യാപാരി വ്യവസായി ഏകോപന സമിതി ജില്ലാ വൈസ് പ്രസിഡന്റ് കെ.എസ്. മുഹമ്മദ്, കിഴക്കേ ജുമാ മസ്ജിദ് സെക്രട്ടറി സിദ്ധിക്ക് ഇസ്മയില്, ചിറക്കാട് മസ്ജിദ് ഇമാം അനസ് സുഹ്രി, കോണ്ഗ്രസ് മണ്ഡലം പ്രസിഡന്റ് കെ. ആര്. ലാല്ജി, പള്ളാത്തുരുത്തി മസ്ജിദ് പ്രസിഡന്റ് കെ. ലിയാഖത്ത്, ജനറല് കണ്വീനര് ടോമി ജോസഫ്, സുനീര് ഇസ്മയില്, ജോണ്ബ്രിട്ടോ, ഇലയില് സൈനുദീന്, റഹിയാനത്ത്, പി.എം. ഹുസൈന് തുടങ്ങിയവര് പ്രസംഗിച്ചു.
