കണ്ണൂര്: സംസ്ഥാന സ്കൂള് കലോത്സവത്തില് ഹൈസ്കൂള്-ഹയര്സെക്കണ്ടറി വിഭാഗം നാടകമത്സരത്തിലെ മികച്ച നടനും നടിക്കും പാര്ട്ട് ഒഎന്ഒ ഫിലിംസ്-തൃശ്ശൂര്, പി.ജെ.ആന്റണി മെമ്മോറിയല് ഫൗണ്ടഷന്-കൊച്ചിന്, ബിന്നി ഇമ്മട്ടി ഫിലിംസ്-തൃശ്ശൂര്, ഫിലിം ചേമ്പര്-കണ്ണൂര്, പ്രസ്ക്ലബ്ബ് ആന്റ് മീഡിയ സെന്റര് എന്നിവയുമായി സഹകരിച്ച് നാലാമത് ഭരത് പി.ജെ.ആന്റണി അഭിനയപ്രതിഭാ അവാര്ഡ് നല്കുന്നു. ആയിരം രൂപയുടെ നാടക സംബന്ധിയായ പുസ്തകങ്ങളും പാര്ട്ട് ഒഎന്ഒ ഫിലിംസ് തൃശ്ശൂര് പ്രകാശനം ചെയ്ത ഡിവിഡികളും ഭരത് പി.ജെ.ആന്റണിയെ കുറിച്ച് പാര്ട്ടിന്റെ ഡയറക്ടറും നാടക ഡോക്യുഫിഷന് ഫിലിം സംവിധായകനുമായ ചാക്കോ ഡി അന്തിക്കാട് രചിച്ച് കേരള സാഹിത്യ അക്കാദമി 2011 ല് പ്രസിദ്ധീകരിച്ച അഞ്ച് അവാര്ഡുകള് കരസ്ഥമാക്കിയ ജീവചരിത്രഗ്രന്ഥവും മണികണ്ഠന് കിഴക്കൂട്ട് രൂപകല്പന ചെയ്ത ശില്പവും ഭരത് പി.ജെ.ആന്റണി സ്മാരക പ്രശസ്തിപത്രവും അടങ്ങുന്നതായിരിക്കും അവാര്ഡുകള്. നാടകാവതരണം കഴിഞ്ഞ് അടുത്ത ദിവസം രാവിലെ 11 മണിക്ക് സംസ്ഥാന സ്കൂള് കലോത്സവ മീഡിയ സെന്ററില് വെച്ച് അവാര്ഡുകള് സമ്മാനിക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. ചടങ്ങില് സന്തോഷ്കീഴാറ്റൂര്, കഴിവെള്ളൂര് മുരളി, പ്രമോദ് പയ്യന്നൂര്, പ്രൊഫ ബി.മുഹമ്മദ് അഹമ്മദ് തുടങ്ങിയവര് സംബന്ധിക്കും. പി.ജെ.ആന്റണി സ്മാരക പ്രശസ്തിപത്രത്തിന്റെ പ്രകാശനം ഇന്നലെ പ്രസ്ക്ലബ്ബില് നടന്നു. വാര്ത്താസമ്മേളനത്തില് പ്രസ്ക്ലബ്ബ് പ്രസിഡന്റ് കെ.ടി.ശശി, ഡി.ചാക്കോ, ഇ.എം.ഷാഫി, പ്രകാശ് വാടിക്കല് എന്നിവര് പങ്കെടുത്തു.
സംസ്ഥാന സ്കൂള് കലോത്സവം: മികച്ച നടനും നടിക്കും അഭിനയപ്രതിഭാ അവാര്ഡ് സമ്മാനിക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.