കോട്ടയം: ജില്ലയിലെ അസംഘടിതമേഖലയില് പ്രവര്ത്തിക്കുന്ന ക്ഷീരകര്ഷകരെ സംരക്ഷിക്കുന്നതിനും ക്ഷീരഉല്പ്പാദന മേഖലയിലെ പോരായ്മകള് പരിഹരിക്കുന്നതിനും ക്ഷീരവികസന വകുപ്പ് അടിയന്തിരമായി ഇടപെടണം എന്ന് ആവശ്യപ്പെട്ടുകൊണ്ട് ക്ഷീരവികസന വകുപ്പ് ജില്ലാ ഡെപ്യൂട്ടി ഡയറക്ടര്ക്ക് ഭാരതീയ ജനതാ കര്ഷക മോര്ച്ച നിവേദനം നല്കി.
ഇന്ഷുറന്സ് മാനദമണ്ഡങ്ങള് ലഘൂകരിക്കുക, കൂടുതല് വനിതകളെ ക്ഷീരോല്പ്പാദകമേഖലയിലേക്ക് ആകര്ഷിക്കുക, പ്രവര്ത്തന മേഖലയില് പ്രവര്ത്തന മികവ് പുലര്ത്തുന്നവര്ക്ക് സാമ്പകത്തിക ആനുകൂല്യങ്ങള് ലഭ്യമാക്കുക, കര്ഷകര്ക്ക് ബോധവത്ക്കരണത്തിനായുള്ള ട്രെയിനിംഗ് സെന്ററുകള് തുടങ്ങുക തുടങ്ങിയവയാണ് ആവശ്യങ്ങള്. ഭാരതീയ കര്ഷകമോര്ച്ച ജില്ലാ പ്രസിഡന്റ് മോഹനന് പനയ്ക്കല്, ജില്ലാ സെക്രട്ടറി വി.ജി.ദിവാകരന്, പാലാ നിയോജകമണ്ഡലം പ്രസിഡന്റ് ബിനീഷ് ചൂണ്ടച്ചേരി, ജനറല് സെക്രട്ടറി ബാലചന്ദ്രന്, എലിക്കുളം കോട്ടയം മണ്ഡലം പ്രസിഡന്റ് നന്ദകുമാര് നട്ടാശേരി, ജനറല് സെക്രട്ടറി ഉണ്ണി വടവാതൂര്, പാലാ നിയോജകമണ്ഡലം വൈസ് പ്രസിഡന്റ് പരമേശ്വരന്, സെക്രട്ടറി ഷിബു മുട്ടത്ത് എന്നിവര് ചേര്ന്ന് നിവേദനം നല്കുകയുണ്ടായി.
പ്രതികരിക്കാൻ ഇവിടെ എഴുതുക: