ആലപ്പുഴ: ആലപ്പുഴ രൂപത സൊസൈറ്റിയും കടലോര ഫാര്മേഴ്സ് പ്രൊഡ്യൂസര് കമ്പനിയും സംയുക്തമായി സംഘടിപ്പിച്ചിരിക്കുന്ന കടലോര കാര്ഷികമേളയും സ്വാശ്രയ സംഗമോത്സവവും 27 മുതല് 29 വരെ മാരാരിക്കുളത്ത് നടക്കുമെന്ന് ആലപ്പുഴ രൂപത സൊസൈറ്റി എക്സിക്യൂട്ടീവ് ഡയറക്ടര് ഫാ. സേവ്യര്കുടിയാംശേരി പത്രസമ്മേളനത്തില് അറിയിച്ചു.
രാജ്യസഭാ ഉപാധ്യക്ഷന് പി.ജെ. കുര്യന് രൂപതാ സൊസൈറ്റിയുടെ റൂബി ജൂബിലി ഉദ്ഘാടനവും കാര്ഷികമേള ഉദ്ഘാടനവും നിര്വഹിക്കും. ആലപ്പുഴ രൂപത വികാരി ജനറല് മോണ്. പയസ് ആറാട്ടുകുളം അധ്യക്ഷത വഹിക്കും. 28നു രാവിലെ 10നു നടക്കുന്ന രൂപതാ സൊസൈറ്റി അവാര്ഡ് വിതരണം മന്ത്രി വി.എസ്. സുനില്കുമാര് ഉദ്ഘാടനം ചെയ്യും.
മന്ത്രി ജി. സുധാകരന് അധ്യക്ഷത വഹിക്കും. 29നു വൈകിട്ട് ആറിനു സമാപന സമ്മേളനം ഭക്ഷ്യമന്ത്രി പി. തിലോത്തമന് ഉദ്ഘാടനം ചെയ്യും. റിച്ചാര്ഡ്ഹേ എംപി മുഖ്യപ്രഭാഷണം നടത്തും. ആലപ്പുഴ രൂപതാധ്യക്ഷന് ഡോ. സ്റ്റീഫന് അത്തിപ്പൊഴിയില് ചടങ്ങില് അധ്യക്ഷത വഹിക്കും.
പത്രസമ്മേളനത്തില് കടലോര ഫാര്മേഴ്സ് പ്രൊഡ്യൂസര് കമ്പിനി ഡയറക്ടര്മാരായ മൈക്കിള് പി. ജോണ്, ഹെര്ബര്ട്ട്, ഫാ. ഡിക്സി ഫേബര്, മൈക്കിള് പി. ജോണ് എന്നിവരും പങ്കെടുത്തു.
