പ്പ്മീനങ്ങാടി : കൊയ്ത്ത് കാലമായതോടെ ചീക്കല്ലൂരിലെ നെല് കര്ഷകര്ക്ക് ഇത് കണ്ണീര് കാലമായ് ജലമില്ലാതെ വരള്ച്ച ബാധിച്ച് ഉണങ്ങിപോയ വയലുകള് നിരവധിയാണ് ഇവിടെ. ബാങ്ക് വായ്പയും കൈ വായ്പയും വാങ്ങി കൃഷി ഇറക്കിയവരാണ് ഭൂരിഭാഗം പേരും ഇതില് പകുതിയും വെള്ളമില്ലാതെ നശിച്ച് പോയ സാഹചര്യത്തില് മുന്നില് നില്കുന്ന ഭീമമായ കടം എങ്ങിനെ വീട്ടും എന്ന അങ്കലാപ്പിലാണ് ഇവര്.
വയനാട്ടിലെ അപ്രതീക്ഷിതമായ കാലാവസ്ഥ വ്യതിയാനമാണ് തങ്ങളെ ചതിച്ചത് എന്ന് ആശ്വസിക്കുമ്പോളും മറ്റൊരു തരത്തില് അധികാരികളുടെ അനാസ്ഥയാണ് ഇവരുടെ കണ്ണീരിന് പുറകില് എന്നതാണ് യാഥാര്ത്ഥ്യം. 2001-2002 കേരള വികസന പദ്ധതിയില് പെടുത്തി കെ.കെ. അഹമ്മദ് ഹാജി ജില്ലാ പഞ്ചായത്ത് പ്രസിഡണ്ട് ആയിരിക്കുമ്പോള് അന്പത് ലക്ഷം രൂപ ചിലവില് നിര്മ്മിച്ച ചീക്കല്ലൂര് നാടുകാണി വി.സി.ബി ചെക്ക് ഡാം ഇപ്പോളും നോക്കു കുത്തി ആയിരിക്കുകയാണ് ഇവിടെ.
ചീക്കല്ലൂര് പാട ശേഖര സമിതിയുടെ കീഴിലുള്ള ഇരുന്നൂറ് ഹെക്ടറിനു മുകളിലുള്ള വയലുകളിലേക്കും കണിയാമ്പറ്റ പഞ്ചായത്തിലെ ഒന്നും രണ്ടും വാര്ഡുകളിലെ പാടശേഖരങ്ങളിലേക്കും ജലം നല്കാന് ഈ ചെക്ക് ഡാമിന് കഴിയുമെന്നിരിക്കെപ്പോലും. അധികാരികള് കാണിക്കുന്ന ഈ അനാസ്ഥ കര്ഷകരോട് കാണിക്കുന്ന ക്രൂരതയാണ്. ചെക്ക് ഡാമിന് ഒരു ചിപ്പ് നിര്മ്മിച്ച് വയലുകളിലേക്ക് ആവശ്യാനുസരണം ജലം പമ്പ് ചെയ്ത് നല്കിയാല് വര്ഷം മുഴുവനും കൃഷി ഇറക്കാനുള്ള സാഹചര്യം ഉണ്ടെന്നിരിക്കെ അതു ചെയ്യാതെ. പാടശേഖരങ്ങളും നെല് കര്ഷകരെയും സംരക്ഷിക്കുമെന്ന് അധികാരികള് അവകാശപ്പെടുന്നത് എന്ത് അടിസ്ഥാനത്തിലാണെന്നും നിസാരമായ ഇത്തരം കാര്യങ്ങള് പോലും നിര്വഹിക്കാന് കഴിയാത്തവര് ചെയ്യുമെന്ന് അവകാശപ്പെടുന്ന ബ്രഹത്തായ പദ്ധതികള് പൂര്ത്തീകരിക്കും എന്ന് വിശ്വസിക്കാനാകില്ല എന്നും വയല് കര്ഷകനും കര്ഷകമോര്ച്ച സംസ്ഥാന കമ്മറ്റി അംഗവുമായ ഉണ്ണികൃഷ്ണന് ചീക്കല്ലൂര് പറയുന്നു.
കാലാവസ്ഥ വ്യതിയാനങ്ങള്ക്കും അപ്പുറം കര്ഷകരെ വെറും വോട്ട് ബാങ്കായ് മാത്രം കാണുന്ന ഭരണാധികാരികളുടെ തണുത്ത പ്രതികരണങ്ങളും പ്രവര്ത്തനങ്ങളുമാണ് കടം വാങ്ങിയും ലോണ് എടുത്തും കൃഷി ഇറക്കുന്ന കര്ഷകരെ ആത്മഹത്യയില് എത്തിക്കുന്ന പ്രധാന കാരണങ്ങളില് ഒന്ന്
