തലശ്ശേരി: 1999 ഡിസംബര് 1 ന് സിപിഎം അക്രമി സംഘം വെട്ടിക്കൊലപ്പെടുത്തിയ യുവമോര്ച്ച സംസ്ഥാന ഉപാധ്യക്ഷന് കെ.ടി.ജയകൃഷ്ണന് മാസ്റ്ററുടെ ജ്വലിക്കുന്ന ഓര്മ്മ പുതുക്കി പതിനായിരങ്ങള്. മാര്ക്സിസ്റ്റ് അക്രമത്തിനും ഭീകരവാദത്തിനുമെതിരെ ഉണരൂ കേരളമേ എന്ന മുദ്രാവാക്യമുയര്ത്തി തലശ്ശേരിയില് നടന്ന അനുസ്മരണ റാലിയിലും തുടര്ന്ന് നടന്ന പൊതുസമ്മേളനത്തിലും പതിനായിരങ്ങള് പങ്കെടുത്തു. ചിറക്കരയില് നിന്നാരംഭിച്ച പ്രകടനം സമ്മേളന നഗരിയിയായ തലശ്ശേരി പുതിയ ബസ് സ്റ്റാന്റ് പരിസരത്തെ കെ.വി.ശ്രീധരന് നഗറില് സമാപിച്ചു. സിപിഎം അക്രമത്തിനും ദേശവിരുദ്ധ നിലപാടുകള്ക്കുമെതിരെ പ്രവര്ത്തകര് ഉജ്വലമായ മുദ്രാവാക്യമായര്ത്തി. സ്ത്രീകളും കുട്ടികളുമടക്കം ആയിരങ്ങളണിനിരന്ന റാലി തലശ്ശേരിയെ അക്ഷരാര്ത്ഥത്തില് പ്രകമ്പനം കൊള്ളിച്ചു.
തുടര്ന്ന് നടന്ന പൊതുസമ്മേളനം യുവമോര്ച്ച ദേശീയ ഉപാധ്യക്ഷന് മുരുകാനന്ദന് ഉദ്ഘാടനം ചെയ്തു. യുവമോര്ച്ച ജില്ലാ അധ്യക്ഷന് കെ.പി.അരുണ് മാസ്റ്റര് അധ്യക്ഷത വഹിച്ചു. ബിജെപി സംസ്ഥാന സെക്രട്ടറി അഡ്വ.ബി.ഗോപാലകൃഷ്ണന് മുഖ്യപ്രഭാഷണം നടത്തി. ബിജെപി ജില്ലാ അധ്യക്ഷന് പി.സത്യപ്രകാശ്, സ്റ്റേറ്റ് സെല് കോ-ഓഡിനേറ്റര് കെ.രഞ്ജിത്ത്, ജില്ലാ ജനറല് സെക്രട്ടറിമാരായ കെ.കെ.വിനോദ്കുമാര്, അഡ്വ.വി.രത്നാകരന്, ദേശീയ സമിതി അംഗങ്ങളായ പി.കെ.വേലായുധന്, എ.പി.പത്മിനി ടീച്ചര്, യുവമോര്ച്ച സംസ്ഥാന ഉപാധ്യക്ഷന് ബിജു ഏളക്കുഴി തുടങ്ങിയവര് സംസാരിച്ചു. യുവമോര്ച്ച സംസ്ഥാന സമിതി അംഗങ്ങളായ പി.എ.റിതേഷ്, ടി.വി.ശ്രീകുമാര്, ജില്ലാ ഉപാധ്യക്ഷന്മാരായ സി.എം.ജിതേഷ്, രൂപേഷ് തൈവളപ്പില്, ജിതിന് രഘുനാഥ്, പി.വി.അജേഷ്, ജില്ലാ ജനറല്സെക്രട്ടറിമാരായ കെ.സി.ജിയേഷ്, സി.സി.രതീഷ്, സെക്രട്ടറിമാരായ സി.എം.വിപിന് കുമാര്, കെ.ബിജു, ഉദേഷ് കോയ്യോടന്, ബിജെപി സംസ്ഥാന സമിതി അംഗം എ.ദാമോദരന്, മഹിളാ മോര്ച്ച സംസ്ഥാന സെക്രട്ടറി സി.പി.സംഗീത, ജില്ലാ അധ്യക്ഷ എന്.രതി, ലസിത പാലക്കല്, ട്രഷറര് സച്ചിന് പി.രാജ് തുടങ്ങിയവര് നേതൃത്വം നല്കി. ജില്ലാ സെക്രട്ടറി എന്.ഹരിദാസ് സ്വാഗതവും ബിജെപി തലശ്ശേരി മണ്ഡലം പ്രസിഡണ്ട് എം.പി.സുമേഷ് നന്ദിയും പറഞ്ഞു.
