കണ്ണൂര്: ജില്ലാ ആശുപത്രി നവീകരണത്തിന്റെ ഭാഗമായി തയ്യാറാക്കിയ മാസ്റ്റര്പ്ലാനിനായി യു.മുഹമ്മദ് അസോസിയേറ്റ്സ് സൗജന്യമായി തയ്യാറാക്കിയ രൂപകല്പ്പന ജില്ലാപഞ്ചായത്തിന് കൈമാറി. ജില്ലാപഞ്ചായത്ത് കോണ്ഫറന്സ് ഹാളില് നടന്ന ചടങ്ങില് ആര്കിടെക്ട് മുഹമ്മദ് ഉടുമ്പുംതലയില് നിന്ന് ജില്ലാപഞ്ചായത്ത് പ്രസിഡന്റ് കെ.വി സുമേഷ് രൂപകല്പ്പന ഏറ്റുവാങ്ങി. പഞ്ചായത്ത് സ്റ്റാന്റിംഗ് കമ്മറ്റി ചെയര്മാന്മാരും ചടങ്ങില് സംബന്ധിച്ചു.
ചിറക്കല് ചിറ നവീകരിക്കും; ഹരിത കേരളം പദ്ധതിക്ക് 8 ന് തുടക്കമാവും
കണ്ണൂര്: നവകേരള മിഷന്റെ ഭാഗമായി ജലസ്രോതസ്സുകളെ പുനരുജ്ജീവിപ്പിക്കാന് ലക്ഷ്യമിട്ട് നടപ്പാക്കുന്ന ഹരിതകേരളം പദ്ധതിയുടെ ജില്ലാതല ഉദ്ഘാടനം 8 ന് ചിറക്കല് ചിറ നവീകരിച്ചുകൊണ്ട് നടക്കും. രാവിലെ 8 മണി മുതല് 10 മണിവരെ സ്കൂള് വിദ്യാര്ത്ഥികളും കുടുംബശ്രീ പ്രവര്ത്തകരും നാട്ടുകാരും ഉള്പ്പെടെ പഞ്ചായത്ത് ഒന്നാകെ ആഘോഷമായാണ് ചിറ നവീകരണത്തിന് തുടക്കം കുറിക്കുക. ജലസ്രോതസ്സുകളുടെ സംരക്ഷണം, പരിസര ശുചിത്വം, തരിശുനിലങ്ങളെ കൃഷിയോഗ്യമാക്കല് എന്നിവയാണ് പദ്ധതിയുടെ ഭാഗമായി നടപ്പാക്കുന്നത്.
പ്ലാസ്റ്റിക് നിരോധനം ഓരോരുത്തരും സ്വന്തം ജീവിതത്തില് നടപ്പാക്കിയാല് മാത്രമേ സമൂഹത്തിലും അതിന്റെ ഗുണഫലം കാണാനാകൂ എന്ന് ജില്ലാകലക്ടര് മിര് മുഹമ്മദ് അലി പറഞ്ഞു. ചടങ്ങില് ജില്ലാപഞ്ചായത്ത് പ്രസിഡന്റ് കെ.വി സുമേഷ് അധ്യക്ഷനായി. ചിറക്കല് ചിറ നവീകരണത്തിന് ജനപ്രതിനിധികളും പഞ്ചായത്ത് ഭരണസമിതിയും നാട്ടുകാരും ഉള്പ്പെട്ട സംഘാടകസമിതിയും രൂപീകരിച്ചു.
