ങ്ങന്നൂര്: കോഴിത്തീറ്റ വ്യാപാര ഏജന്സി നല്കാമെന്നു പറഞ്ഞ് യുവതിയില് നിന്നും അഞ്ചേകാല് ലക്ഷം രൂപ തട്ടിയെടുത്തെന്നു പരാതി. ചെങ്ങന്നൂര് കാരയ്ക്കാട് കളത്തിലേത്ത് പടിഞ്ഞാറേതില് വീട്ടില് ജയന്തി (43) ആണ് ചെങ്ങന്നൂര് ഡിവൈഎസ്പി ആര്.ശിവസുതന് പിള്ളയ്ക്ക് പരാതി നല്കിയത്.
തിരുവനന്തപുരം കേരളാദിത്യപുരം സ്വദേശിയായ 62 കാരന് കൊഴുവല്ലൂര് സ്വദേശിയായ ദേവദാസ് എന്ന ആളിനൊപ്പം എത്തി പ്രമുഖ കോഴിത്തീറ്റകമ്പനിയുടെ പ്രദേശത്തെ വ്യാപാരത്തിനുള്ള ലൈസന്സ് സംഘടിപ്പിച്ചു നല്കാമെന്നും ഇതിനായി അഞ്ചേകാല് ലക്ഷം രൂപ നല്കണമെന്നും പറഞ്ഞു വിശ്വസിപ്പിച്ചു.
ഭര്ത്താവ് വിദേശത്തുജോലി ചെയ്തു വരുന്ന യുവതി നാട്ടില് എന്തെങ്കിലും ബിസിനസ് തുടങ്ങാന് ആലോചിച്ചിരുന്ന സമയത്താണ് ഏജന്സി നടത്തിപ്പിലേക്കു ശ്രദ്ധതിരിച്ചത്.
ഇതനുസരിച്ച് മുക്കാല് ലക്ഷം രുപ ഉടന് പണമായും ബാക്കി നാലര ലക്ഷം രൂപ സര്ക്കാര് സര്വ്വീസില് നിന്നു വിരമിച്ച മാതാവിന്റെ പക്കല് നിന്നും വാങ്ങി നല്കി.
പിന്നീട് നാളിതുവരെ ഏജന്സി സംബന്ധമായ അറിയിപ്പൊന്നും ലഭിച്ചില്ലെന്നും പല തവണ ഫോണിലും നേരിട്ടും ബന്ധപ്പെടാന് ശ്രമിച്ചിട്ടും നടന്നില്ലെന്നും പരാതിയില് പറയുന്നു.
ഏജന്സി ഉടന് ലഭിക്കുമെന്ന് പണം തട്ടിയവര് വിശ്വസിപ്പിച്ചതനുസരിച്ച് എംസി റോഡില്് കാരയ്ക്കാട് പാറയ്്്്ക്കല് ജംഗ്ഷനുസമീപം വന് തുക ഡിപ്പോസിറ്റാ നല്കി വാടക മുറിയെടുത്ത് കോഴിത്തീറ്റ വ്യാപാരം എന്ന കച്ചവട സ്ഥാപനം തുടങ്ങിയെന്നും എന്നാല് യഥാസമയം സ്റ്റോക്ക് ലഭിക്കാത്തതിനാല് കട തുറന്നു പ്രവര്ത്തിപ്പിക്കാന് ആയില്ലെന്നും പരാതിയില് പറയുന്നു.
ബാങ്ക് അക്കൗണ്ട് വഴിയാണ് നാലര ലക്ഷം നല്കിയതെന്നും പണം സ്വീകരിച്ചുകഴിഞ്ഞ ശേഷവും അപേക്ഷാ ഫീസിനത്തിലും മറ്റുമായി പിന്നെയും പണം ആവശ്യപ്പെട്ടെന്നും പരാതിയില് പറയുന്നു.
ചെങ്ങന്നൂര് പൊലീസ് കേസെടുത്ത് അന്വേഷണം ആരംഭിച്ചു.
