246 റണ്സിന് ഇംഗ്ലണ്ടിനെതിരായ രണ്ടാം ക്രിക്കറ്റ് ടെസ്റ്റില് ഇന്ത്യയ്ക്ക് ജയം.405 റണ്സ് വിജയലക്ഷ്യവുമായി ഇറങ്ങിയ ഇംഗ്ലണ്ട് 158 റണ്സിന് പുറത്തായി. 34 റണ്സോടെ അജയ്യനായി നിന്ന ബെയര്സ്റ്റോ മാത്രമാണ് ഇംഗ്ലണ്ടിനായി ഇന്ന് ചെറുത്തു നിന്നത്.
500 രൂപയുടെ അസാധുവായ നോട്ടുകള് ഉപയോഗിച്ച് വിത്തുകള് വാങ്ങാന് കര്ഷകര്ക്ക് കേന്ദ്രത്തിന്റെ അനുമതി. എകദേശം 638.09 ലക്ഷം ഹെക്ടറില് റാബി വിളയിറക്കാന് രാജ്യത്തെ ബഹുഭൂരിപക്ഷം കര്ഷകരും ഒരുങ്ങുന്ന പശ്ചാത്തലത്തിലാണിത്.
500 രൂപ, 1000 രൂപ നോട്ടുകള് അസാധുവാക്കിയ കേന്ദ്രസര്ക്കാര് നടപടിയെ അനുകൂലിച്ച് നടന് മോഹന്ലാല്. തന്റെ ബ്ലോഗിലെ പുതിയ കുറിപ്പിലൂടെയാണ് പ്രധാനമന്ത്രിയുടെ നടപടിയെ പ്രശംസിച്ച് മോഹന്ലാല് രംഗത്തെത്തിയത്.
500 രൂപയുടെ പുതിയ നോട്ടുകള് സംസ്ഥാനത്ത് വിതരണം ചെയ്തു തുടങ്ങി. പഴയ നോട്ടുകള്ക്ക് പകരമെത്തിച്ച 2000 രൂപയുടെ നോട്ടുകളാണ് മിക്ക എടിഎമ്മുകളിലും ലഭിച്ചിരുന്നത്. നോട്ടുകള് പിന്വലിച്ചതുമൂലമുണ്ടായ പ്രയാസം ഒരു പരിധി വരെ കുറയും.
500 രൂപയുടേയും 2000 രുപയുടേയും പുതിയ നോട്ടുകള് രാജ്യത്തിന്റെ വിവിധ ഭാഗങ്ങളില് വിതരണം ചെയ്യാന് വ്യോമസേന വിമാനങ്ങളും ഹെലിക്കോപ്പ്റ്ററുകളും ഉപയോഗിക്കാന് സര്ക്കാര് തീരുമാനം. പണം ബാങ്കുകളിലെത്തിക്കാന് 21 ദിവസമെടുക്കും.
