മുഹമ്മ: മുഹമ്മ – കുമരകം ഫെറിയില് ഒരു ബോട്ട് മാത്രമായതോടെ യാത്രക്കാര് വലയുന്നു. സര്വ്വീസ് നടത്തിയിരുന്ന രണ്ട് ബോട്ടില് എസ് 52-ാം നമ്പര് ബോട്ട് കേടായതിനെ തുടര്ന്ന് നാലു ദിവസമായി യാത്രക്കാര് ദുരിതത്തിലാണ്. ഷാഫ്റ്റ് ഊരിപ്പോയതിനാല് മുഹമ്മ ജെട്ടിയില് ഇട്ടിരിക്കുകയായിരുന്നു.
ഷാഫ്റ്റ് നന്നാക്കി കൊണ്ടുവന്ന് ഫിറ്റ് ചെയ്തെങ്കിലും പൂര്ണ്ണമായും യാത്രയോഗ്യമാക്കാന് വ്യാഴാഴ്ച വൈകിട്ടോടെ ഈ ബോട്ട് ആലപ്പുഴ ഡോക്കിലേയ്ക്ക് കൊണ്ടുപോയി. പകരം സര്വ്വീസ് നടത്താന് ബോട്ട് നല്കിയിട്ടില്ല.ഇത് മൂലം ഏകദേശം ഒന്നര മണിക്കൂറിലേറെ കാത്തുനില്ക്കേണ്ട സ്ഥിതിയാണ് യാത്രക്കാര്ക്കുള്ളത്.
ബോട്ട് കാത്തുനിന്ന് വലയുന്ന യാത്രക്കാര് മറ്റുമാര്ഗ്ഗത്തിലൂടെയാണ് കുമരകത്തും മുഹമ്മയിലും എത്തുന്നത്. അടിയന്തിരമായി ബോട്ട് നന്നാക്കി സര്വ്വീസ് നടത്തുകയോ പകരം സര്വ്വീസ് നടത്താന് ബോട്ടുനല്കുകയോ വേണമെന്ന് മുഹമ്മ പഞ്ചായത്ത് പ്രസിഡന്റ് ജെ ജയലാല് ജലഗതാഗത വകുപ്പ് ഡയറക്ടറോട് ആവശ്യപ്പെട്ടു.
