ഷൂറ: വടക്കന് ഇറാഖിലെ ഗ്രാമങ്ങള് ഐഎസ് കീഴടക്കിയ ഉടന് തന്നെ തങ്ങളുടെ നിയമങ്ങള് അവര് അടിച്ചേല്പ്പിച്ചിരുന്നു. താടി നീട്ടി വളര്ത്തണമെന്നായിരുന്നു ഒരു കല്പ്പന. ഇറാഖ് സൈന്യം തിരികെപ്പിടിച്ച ഗ്രാമങ്ങളില് നിന്ന് ഐഎസിന്റെ പോസ്റ്ററുകളും രേഖകളും കണ്ടുകിട്ടിയിട്ടുണ്ട്. അവയില് ഈ ശാസനകള് രേഖപ്പെടുത്തിയിട്ടുണ്ട്.
എല്ലാവരും ഇസ്ലാമിക തത്വങ്ങള് മുറുകെപ്പിടക്കണമെന്ന് ആഹ്വാനം ചെയ്യുന്ന പോസ്റ്ററുകളില് താടി വളര്ത്തണമെന്ന് നിഷ്കര്ഷിക്കുന്നു. കാലിന്റെ മുന്ഭാഗത്തു നിന്ന് തുടങ്ങി ഉപ്പൂറ്റി വരെ വേണം കഴുകാന്. അല്ലെങ്കില് ഇസ്ലാമിക തത്വം ലംഘിച്ചതായി കരുതും. എതിര്ത്താല് വധിക്കുമായിരുന്നു. ഇസ്ലാമിന്റെ കടപ്പാടുകള് എന്തൊക്കെയെന്ന് വിവരിക്കുന്ന ലഘുലേഖകളില് എങ്ങനെ ഭിക്ഷ നല്കണമെന്നും പറയുന്നു.
പിങ്ക്, ചുവപ്പ് ലഘുലേഖകളില് 32 ചോദ്യങ്ങളാണ്. അതിലാണ് എങ്ങനെ വേണം ലൈംഗിക അടിമകളെ കൈകാര്യം ചെയ്യാനെന്ന് വിശദീകരിക്കുന്നത്. മുതിര്ന്ന മൗലവിക്കാണ് പെണ്ണടിമകളെ വീതം വച്ചു നല്കാനുള്ള അവകാശം.
അമുസ്ലീം വനിതകളെ വെപ്പാട്ടികളായി പരിഗണിക്കാം. സഹോദരിമാരെ അടിമകളാക്കാം. പക്ഷെ ഒരാളെ മാത്രമേ ലൈംഗികമായി ഉപയോഗിക്കാന് പാടുള്ളൂ. പ്രായപൂര്ത്തിയാകാത്ത പെണ്കുട്ടികളെയും ലൈംഗിക ആവശ്യങ്ങള്ക്ക് ഉപയോഗിക്കാം.
ഒരു സംഘം പോരാളികള്ക്ക് ഒരു വെപ്പാട്ടിയെ ഉപയോഗിക്കാമോയെന്ന ചോദ്യവുമുണ്ട്. ഒരു മുതലാളിക്ക് മാത്രമേ ഒരു വെപ്പാട്ടിയുമായി ശയിക്കാന് അനുവാദമുള്ളുവെന്നാണ് ഉത്തരം.
ആയിരക്കണക്കിന് യെസീദി യുവതികളെ ഐഎസ് ലൈംഗിക അടിമകളാക്കിയിരുന്നു. സ്ത്രീകള് വീട്ടിനുള്ളില് തന്നെ കഴിഞ്ഞു കൂടണം. പുറത്തിറങ്ങേണ്ടിവന്നാല് തല മുതല് കാല് വരെ മൂടുന്ന കറുത്ത വസ്ത്രമണിയണം. നിയമത്തില് പറയുന്നു.
താടിയെന്നാല് മുഖത്ത് വളരുന്ന മുടിയാണെന്ന് ഒരു ലഘുലേഖയില് പറയുന്നു. ഇന്റര്നെറ്റും സംഗീതവും സെല്ഫോണുകളും വിലക്കിയിരുന്നു. ഡിഷ് ടിവി അനുവദിച്ചിരുന്നില്ല. പ്രേമകഥകള് പറയും, വിവസ്ത്രയായ സ്ത്രീകളെ കാണിക്കും, മോശം ഭാഷ ഉപയോഗിക്കും. ടിവി വിലക്കിനുള്ള കാരണങ്ങള് മറ്റൊരു ലഘു ലേഖയില് വിവരിക്കുന്നു.
